باتىس قازاقستان وبلىسى بويىنشا ورال قالاسىنىڭ پب شاعان پب جەدەل-كريميناليستيكالىق توبىنىڭ كريميناليسى رۋسلان دۋسكاليەۆ تەرەزەگە قالدىرىپ كەتكەن ساۋساق ىزدەرى ارقىلى پاتەر ۇرلىعىن اشتى. بۇل تۋرالى بقو پوليتسيا دەپارتامەنتىنىڭ رەسمي ينستاگرام پاراقشاسىندا جاريالاندى, دەپ حابارلايدى Egemen.kz.
«2023 جىلى قىركۇيەك ايىندا «102» وپەراتورىنا جەرگىلىكتى تۇرعىن حابارلاسىپ, سەيفتەن ميلليونداعان دوللار ۇرلانعانىن حابارلادى. وقيعا ورنىنا دەرەۋ جەدەل-تەرگەۋ توبى جىبەرىلدى. انىقتالعانداي, بەلگىسىز بىرەۋ ورال قالاسىنداعى تۇرعىلىقتى ۇيلەردىڭ بىرىنە تەرەزەسىن سىندىرۋ ارقىلى كىرىپ, سەيفتەن 10 مىڭ دوللار جانە 3 ملن 700 مىڭ تەڭگە (شامامەن 8 ملن تەڭگە كولەمىندەگى سومما) اقشالاي قاراجاتىن قۇپيا تۇردە ۇرلاپ كەتكەن», دەلىنگەن حابارلامادا. رۋسلان دۋسكاليەۆ وقيعا ورنىن, قىلمىسكەردىڭ كەلىپ-كەتۋ جولىن جان-جاقتى تەكسەرىپ, ناتيجەسىندە ۇرى كىرگەن تەرەزەدەن قولدىڭ ىزدەرىن تابادى. سونىمەن قوسا, حابارلامادا: «ىزدەردى جەدەل تەكسەرۋ بارىسىندا كريميناليستيكالىق ەسەپ بازاسى بويىنشا كۇدىكتى 33 جاستاعى وبلىس ورتالىعىنىڭ تۇرعىنى ەكەنى انىقتالدى. جۇرگىزىلگەن جەدەل-ىزدەستىرۋ ءىس-شارالارى ناتيجەسىندە تاۋلىككە جەتپەيتىن ۋاقىت ىشىندە قىلمىسكەر ۇستالدى. كۇدىكتى ۇرلانعان اقشانى تۇگەل جۇمساپ ۇلگەرمەگەن, ول تاركىلەنىپ, زاڭدى يەسىنە قايتارىلدى. ورال قالاسى قىلمىستىق سوتىنىڭ شەشىمىمەن كۇدىكتى سوتتالىپ, بەس جىلعا باس بوستاندىعىنان ايىرىلدى. ۇكىم زاڭدى كۇشىنە جۋىردا ەنەدى», دەلىنگەن.