ميعا سالىنعان يمپلانت

جوبانىڭ نەگىزى 2016 جىل­دىڭ شىلدەسىندە قالانعان. ونىڭ ماقساتى − ادام ميىنا يمپلانتاتسيالاناتىن چيپتەر ازىرلەۋ. يلوننىڭ ايتۋىنشا, نەيرون­دىق ينتەرفەيستەر الەم­دى جاساندى ينتەللەكتىڭ الدىن وراۋعا قابىلەتتى ەتەدى. ماسكتىڭ كومپانياسى وتكەن جىلدىڭ ناۋرىزىندا نەيروندىق ءچيپتى ميىنا ەرىكتى تۇردە سالدىراتىن ادام ىزدەگەن ەدى. بۇگىندە العاشقى وپەرا­تسيا­سى ءساتتى ءوتتى. ء«بىرىنشى ادامعا «Neuralink» يمپلانتى سالىن­دى, وپەراتسيادان كەيىن قالپىنا كەلۋ ۇدەرىسى جاقسى ءجۇرىپ جاتىر», ­دەپ جازدى يلون ماسك.

مي يمپلانتى ءبىرىنشى كەزەكتە مۇمكىندىگى شەكتەۋلى, سال اۋرۋى­نا شالدىققان, اياق-قولىنان ايىرىلعان ادامدارعا سالىنادى. الەمدى تاڭىرقاتقان تەحنولوگيا زاعيپ جاندارعا كورۋ قابىلەتىن قالپىنا كەلتىرۋگە جانە ەپيلەپ­سيامەن اۋىراتىندارعا ۇستا­ما­دان ارىلۋعا كومەكتەسەدى. ياعني چيپ ميداعى دۇرىس ەمەس دۇنيەنىڭ ءبارىن تۇزەتە الادى.

يمپلانت باس سۇيەكتىڭ استىنا ورناتىلىپ, ەلەك­ترودتاردىڭ كومەگىمەن مي­عا قوسىلىپ, ادام اعزاسىنىڭ فۋنك­تسيالارىن ورىنداي باس­تايدى. كومپانيا 2024 جىلى بارلىق اياعى سال بولىپ قالعان ەرىكتىلەرگە وپەرا­تسيا جا­ساۋدى جوس­پار­لاپ وتىر. ال جۇرت قورقىپ وتىرعان ميعا داعدى­لار­دى جۇكتەۋ جانە باسقا دا فان­­تاس­تيكالىق ارتىقشىلىقتار تۋرالى ازىرگە ءسوز بولعان جوق.

العاشىندا وپەرا­تسيا جا­نۋار­لارعا جاسالدى. 2020 جىل­دىڭ تا­مى­زىندا «Neuralink» ماماندارى شوش­قالاردى ءساتتى چيپتەگەن ەدى. ينجەنەرلەر يمپلانتتى جا­نۋارلاردىڭ ميى­نا ەنگىزىپ, سو­دان كەيىن ونى دەنساۋلىعىنا زيان كەلتىرمەي شىعارىپ الدى. ءچيپتىڭ كو­مە­گىمەن عالىمدار سىمسىز باي­­لانىس ارناسى ارقىلى جا­نۋاردىڭ ميىنىڭ تاكتيلدى ور­­تا­لىقتارىنىڭ بەلسەندىلىگىن با­قى­لاي الدى.

كەيىنىرەك جۋرناليستەر چيپ­تەردى ەنگىزگەننەن كەيىن سىناق جانۋارلارىندا جاعىمسىز رەاك­تسيالار پايدا بولعانىن ءبىل­دى. باسقالارمەن قاتار, ءىشىنارا پارا­ليچ, ديارەيا جانە مي­دىڭ ءىسىنۋى تىركەلدى. ءتىپتى بىردە چيپ سا­­لىنعان ءبىر مايمىلداعى ءچيپ­تىڭ بەكىتپەسى بوساپ, باس سۇيەگىنە زاقىم كەلگەن.