2023 جىلى 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا (بۇدان ءارى – ۇلتتىق جوبا) اياسىندا 50 جاستان اسقان 15 166 ادام «كۇمىس جاس» جوباسى بويىنشا جۇمىسقا ورنالاستىرىلدى, دەپ جازادى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«وسى باعىت بويىنشا 2023 جىلى جالپى 14 295 ادامدى جۇمىسقا ورنالاستىرۋ جوسپارلانعان بولاتىن. «كۇمىس جاس» جوباسى بويىنشا جۇمىسقا ورنالاسقانداردىڭ ەڭ كوپ سانى تۇركىستان (2103 ادام), قىزىلوردا (1121 ادام), الماتى (1099 ادام), قاراعاندى (1092 ادام) جانە اقتوبە (1056 ادام) وبلىستارىندا بايقالادى. «كۇمىس جاس» جوباسىن قارجىلاندىرۋدى ەڭبەك موبيلدىلىگى ورتالىعى جۇمىس بەرۋشىنىڭ جوبا شەڭبەرىندە جۇمىسقا ورنالاستىرىلعان جۇمىسسىزدارعا ەڭبەكاقى تولەۋگە جۇمساعان شىعىندارىنىڭ ءبىر بولىگىن وتەۋگە سۋبسيديالار بەرۋ جولىمەن جۇزەگە اسىراتىنى» جازىلعان اقپاراتتا.
50 جاستان اسقان جانە زەينەتكەرلىك جاسقا دەيىنگى جۇمىسسىز ازاماتتار اتالعان جوباعا قاتىسا الادى. جوباعا قاتىسۋ ءۇشىن مانساپ ورتالىعىنا ءوتىنىش جازۋعا بولادى.