23 قاڭتار كۇنى ساعات تاڭعى 05:30 شاماسىندا قىزىلوردا قالالىق پوليتسيا باسقارماسى پاترۋلدىك پوليتسيا قىزمەتكەرلەرى قورقىت اتا كوشەسىنىڭ بويىندا جۇرگىزۋشىسى جول بەلگىلەرى تالاپتارىن ساقتاماعان Volkswagen Touareg ماركالى اۆتوكولىگىن توقتاتپاق بولعان.
بىراق تالاپقا باعىنباعان جۇرگىزۋشى كولىكتى قاراۋىلتوبە اۋىلىنا قاراي بۇرىپ, كۇرىشتىك القابىنا تۇسەدى. توسقاۋىل جاساۋعا كومەككە كەلگەن پوليتسيا ناريادىنىڭ قىزمەتكەرى قۇيعىتقان كولىكتىڭ الدىنان جاياۋ شىعىپ توقتاتپاق بولعاندا جۇرگىزۋشى زاڭدى تالاپقا باعىنباي, پوليتسيا قىزمەتكەرىن قاعىپ ءوتىپ, وقيعا ورنىنان بوي تاسالايدى. دەر كەزىندە «توسقاۋىل» ارنايى جوسپارى ەنگىزىلىپ, 32 جاستاعى كۇدىكتى ۇستالدى. ونىڭ ورتا دارەجەلى ماساڭ ەكەندىگى دە انىقتالدى. ءوزى ۋاقىتشا ۇستاۋ يزولياتورىنا قاماققا الىنسا, اۆتوكولىگى ايىپتۇراققا قويىلدى.
قازىر بيلىك وكىلىنە قاتىستى كۇش قولدانۋ دەرەگى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.