ارقالىق قالاسىنان ەكى جاسىندا شەتەلگە ساتىلىپ كەتكەن بەلگيالىق ازامات ەددي جان ساۆەلەۆتىڭ قازاقستانداعى زاڭدى وكىلى, بەلگىلى جۋرناليست قىمبات دوسجان شۇعىل مالىمدەمە جاسادى, دەپ جازادى Egemen.kz.
«قايىرلى كۇن, 2001, 2002, 2003 جىلدارى ارقالىق قالالىق پەرزەنتحاناسىندا بوسانىپ, بىراق قانداي دا ءبىر سەبەپتەرمەن ءسابيى شەتىنەگەن نەمەسە ءولى تۋعان بالاسىنىڭ دەنەسىن كورمەگەن, ءارى وزدەرى جەرلەمەگەن انالاردىڭ ءوزى يا بولماسا تۋىستارى بىزگە شۇعىل حابارلاسۋلارىڭىزدى وتىنەمىز», دەدى ق.دوسجان بەينەۇندەۋىندە.