ەندى ەلىمىزدە دەنساۋلىعىنا بايلانىستى دەمالىس پاراعى تەك ەلەكتروندى تۇردە بەرىلەدى. دەنساۋلىق ساقتاۋ مينيسترلىگى ەڭبەككە جارامسىزدىق قاعازىن الۋ ءۇشىن ەمحاناعا كەلۋدىڭ قاجەتى جوق ەكەنىن ايتتى, دەپ جازادى Egemen.kz.
ەڭبەككە جارامسىزدىق پاراعىن اشۋ-جابۋ پروتسەسى ەلەكتروندى تۇردە جۇرگىزىلەدى. قىزمەتكەرگە قاعازدى تاسىپ, جۇمىس بەرۋشىگە قول قويۋدىڭ قاجەتى جوق.
«بيىل قاعاز تۇرىندەگى ەڭبەككە جارامسىزدىق پاراعىن تولىعىمەن الىپ تاستادىق. ەڭبەككە جارامسىزدىق پاراعىن اشۋ تۋرالى فاكتىلەر دە ازاماتتىڭ كەلىسىمىمەن جۇمىس بەرۋشىگە ەلەكتروندى تۇردە بەرىلەدى. ەگەر بۇرىن ەڭبەككە جارامسىزدىق پاراعى قىزمەتكەر جۇمىسقا كەلگەن كەزدە اكەلىنەتىن بولسا, ەندى ءبىز ەڭبەككە جارامسىزدىق پاراعى اشىلعان نەمەسە ۇزارتىلعان ساتتە حابارلايمىز», دەدى دەنساۋلىق ساقتاۋ ۆيتسە-ءمينيسترى بەيبىت ەسەنباەۆ.
بۇل قىزمەتتى eDensaulyq قىزمەتىنەن جانە eGov.ءkz موبيلدى قوسىمشاسىنان تابۋعا بولادى.