بەلگيالىقتار اسىراپ العان قازاق بالاسى ەددي جاننىڭ (جانىبەك) اناسى بولۋى مۇمكىن دەگەن ەكى كەلىنشەكتىڭ دنق ساراپتاماسىنىڭ ناتيجەسى بەلگىلى بولدى. اناليز قورىتىندىسىن جۋرناليست قىمبات دوسجان الەۋمەتتىك جەلىدەگى پاراقشاسىندا جاريالادى, دەپ جازادى Egemen.kz.
«بولجامدى 2 انادان الىنعان تەست ناتيجەسى تاعى دا 0%. ارى قاراي كەتتىك... جانىبەك, سەنىڭ كىمنىڭ بالاسى ەكەنىڭدى تاپپاي قويمايمىز. ءبىز توقتامايمىز», دەپ جازدى «بارمىسىڭ, باۋىرىم» حابارىنىڭ اۆتورى.
جۋرناليست جازباسىندا باس پروكۋراتۋراعا جولداعان حاتتان دا جاۋاپ كۇتەتىنىن ەسكە سالدى.