بالقاش تاريحي-ولكەتانۋ مۋزەيىنە ساقتار مەن عۇندار داۋىرىنەن باستاپ, تۇرىك قاعاناتىمەن جالعاسقان, قازاق حاندىعىنىڭ جانە تاۋەلسىز قازاقستاننىڭ وتكەنى مەن بۇگىنگى تاريحىن باياندايتىن نەبىر قۇندى ەكسپوناتتار قويىلعان. كورمە زالدارىندا ءار كەزەڭدى كوز الدىڭا اكەلەتىن كونە جادىگەرلەر, فوتوسۋرەتتەر بار. جاقىندا مۇراجاي قورى تاعى ءبىر جاڭا جادىگەرمەن تولىقتى.
بالقاشتىق بىلىكتى دارىگەر نينا ۆاسيلەۆنانىڭ نەمەرەسى يۆان گونچاروۆ اجەسىنىڭ قان قىسىمىن ولشەيتىن قۇرالى سفيگمومانومەتردى مۇراجايعا تاپسىردى.
– مەنىڭ اجەم 35 جىل بويى تەك ءبىر عانا اۋرۋحانادا ەڭبەك ەتىپ, سول مەكەمەدەن زەينەتكە شىققان اق حالاتتى ابزال جان. بىلىكتى دارىگەر نينا ۆاسيلەۆنانى بالقاشتىقتار جاقسى بىلەدى. ءالى ەسىمنەن كەتپەيدى. بۇل قۇرالمەن اجەم كورشىلەردىڭ قان قىسىمىن ولشەيتىن. كورشىلەرىمىزدە جۇرەك-قانتامىر اۋرۋلارىمەن اۋىراتىن ادامدار كوپ بولاتىن. سوندا اجەم وسى ارنايى قۇرالدىڭ كومەگىمەن ولشەپ, قالاي ەمدەلۋگە كەڭەس بەرەتىن, – دەيدى دارىگەردىڭ نەمەرەسى يۆان گونچاروۆ.
Cفيگمومانومەتر 1962 جىلى لەنينگراد قالاسىنداعى كراسنوگۆاردەەتس زاۋىتىندا جاسالعان ەكەن.
قاراعاندى وبلىسى,
بالقاش قالاسى