«Egemen Qazaqstan» گازەتىنىڭ بۇگىنگى سانىندا مەملەكەت باسشىسى قاسىم-جومارت توقاەۆتىڭ عالىم, «قازاق گازەتتەرى» جشس باس ديرەكتورى ديحان قامزابەك ۇلىنا بەرگەن سۇحباتى جارىق كوردى. حالىق قالاۋلىلارى كەڭ كولەمدى سۇحبات تۋرالى پىكىرلەرىمەن ءبولىسىپ جاتىر, دەپ جازادى Egemen.kz.
سەناتور ءالي بەكتاەۆ پرەزيدەنت بۇگىنگى سۇحباتىندا حالىق كوكەيىندەگى ساۋالدارعا شىنايى جاۋاپ بەرگەنىن العا تارتتى.
«ساليقالىلىق پەن سابىرلىلىق مىقتى ساياساتكەردىڭ نەگىزگى قاعيداسى, قالا بەرسە ومىرلىك ءپرينتسيپى بولسا كەرەك. مەملەكەت باسشىسى ق.ك. توقاەۆتىڭ «Egemen Qazaqstan» گازەتىنىڭ بۇگىنگى نومىرىندە جاريالانعان سۇحباتى جۇرەكتىڭ تۇبىندە جاتقان ساليقالى سىردىڭ بەتىن اشقان, حالقىمىزدىڭ كوكەيىندە جۇرگەن تالاي تۇيىتكىلدى سۇراقتارعا شىنايى جاۋاپ بەرگەن اشىق اڭگىمە بولدى. قاسىرەتتى قاڭتار وقيعاسىنا قاتىستى دا بۇرىن-سوڭدى ايتىلماعان جاڭا تۇيىندەمەلەردى اشىپ ايتقاندىعىن بايقايمىز. قاڭتار قاسىرەتىنە دە ەكى جىل تولىپ وتىر. ۋاقىت زىمىراپ ءوتىپ جاتىر, بىراق سول كەزدەگى حالىقتىڭ جۇرەگىنە تۇسكەن سىزات ءالى سىزداپ تۇر, جازىلار ەمەس. ارينە ول ءبىر-ەكى جىلدا جازىلاتىن دا نارسە ەمەس. ءبىز سول قاڭتاردا ەگەمەندىگىمىز عانا ەمەس, ەلدىگىمىزدەن ايىرىلىپ قالا جازدادىق. شەتتى ايتپاعاندا ءوزىمىزدىڭ ارامىزدا دا ءتۇرلى ساياگويلەر ءارتۇرلى پىكىر تاراتىپ, حالىقتىڭ ساناسىن سارساڭعا سالدى. ءدال وسى كەزدەگى قوسارلانعان بيلىكتىڭ ەكىۇشتىلىعى دا كۇمان قيالىندا وتىرعان حالىقتىڭ سەنىمسىزدىگىن تەرەڭدەتە ءتۇستى. بۇرىنعى بيلىكتىڭ قۇدىرەتىنەن ايرىلىپ قالعىسى كەلمەۋى جانە جاڭا بيلىكتىڭ جاساپ جاتقان جاڭا رەفورمالارىن قابىلداماۋ پيعىلى الاڭسىز وتىرعان حالىقتى اقىرى دۇربەلەڭگە سالدى. وسىنداي سىندارلى ۋاقىتتا مەملەكەت باسشىسى ق.ك. توقاەۆتىڭ تاباندىلىعى مەن قايراتتى مىنەزى, باتىل شەشىمدەرى, ايتقان ورنىقتى سوزدەرى, ساليقالى ساياساتى, جاساعان قادامدارى, بار جاۋاپكەرشىلىكتى ءوز موينىنا الا ءبىلۋى, ابدىراپ وتىرعان ەلدىڭ ەسىن جيعىزدى, كۇمانىن سەيىلتتى, ءۇمىتىن وياتتى. بولمىسىنان ۇلتتىق سانا-سەزىمى بيىك, ەل مۇددەسىنە قاتەر تونگەن كەزدەردە قۇرىشتاي ۇيىسا الاتىن, اق-قارانى اجىراتا بىلەتىن حالقىمىز پرەزيدەنتىمىزدىڭ اينالاسىنا بىرىگىپ, كوك تۋىمىزدىڭ استىنا جينالىپ, قايسارلىعىن تانىتتى. ەلدىك پەن ەگەمەندىكتى تاڭدادى. ك.ق. توقاەۆ سول قاڭتار قاسىرەتىنەن كەيىنگى ەكى جىلدىڭ كولەمىندە, ەلدىڭ بولاشاققا دەگەن سەنىمىن نىعايتا ءتۇسۋ ءۇشىن, ەكونوميكامىز تۇرالاپ تۇرىپ قالماۋى ءۇشىن, الەم الدىندا ءجۇزىمىز جارقىن, مارتەبەمىز بيىك, ەلدىگىمىز بەرىك ەكەندىگىن دالەلدەۋ ءۇشىن, ورنىقتى مارتەبەلى ورنىمىزدى نىق الۋىمىز ءۇشىن تىنباي ەڭبەك ەتىپ كەلەدى. الەمنىڭ جارتىسىن شارلاپ, ايگىلى ينۆەستورلارمەن كەزدەسىپ, مەملەكەتىمىزدىڭ ىشكى دە سىرتقى جاعدايىنىڭ تۇراقتى ەكەندىگىن دالەلدەۋ ءۇشىن كۇش-جىگەرىن اياماي كەلە جاتىر. ءوزىنىڭ حالقىنىڭ الدىندا, باسىم داۋىسپەن زاڭدى سايلانعان پرەزيدەنت رەتىندە قاشان دا شىنايلىعىنان تانعان ەمەس. بۇگىنگى سۇحبات تا سونىڭ دالەلى. ەل كوكەيىندە جۇرگەن سۇراقتارعا جاۋاپ بەرە وتىرىپ, پرەزيدەنتىمىز ءبىزدىڭ مەملەكەتىمىزدىڭ بولاشاعىنا قاتىستى سەنىمدى جانە ناقتى قادامداردىڭ جاسالعانىن, ولاردىڭ ساياسي, ەكونوميكالىق, زاڭنامالىق نەگىزدەرىنىڭ تولىق قالىپتاسقانىن جانە ەل ەكونوميكاسىنىڭ سەرپىندى دامۋىنا بارلىق العىشارتتاردىڭ بار ەكەندىگىن اشىق جانە اشىپ ايتتى. ول ءۇشىن ەلىمىزدىڭ تۇتاستىعى, وعان نەگىز بولاتىن حالقىمىزدىڭ ىنتىماعى مەن بىرلىگىنىڭ اسا ماڭىزدىلىعىن باسا ايتتى. ۇلتىمىز بەن ۇرپاعىمىزدىڭ بولاشاعى ءۇشىن, ءاربىر قازاقستاندىقتىڭ جان-جاققا تارتقىلاماي, جۇدىرىقتاي بىرىگىپ, جۇمىلا ەڭبەك ەتۋى ماڭىزدى ەكەندىگىن تاعى دا اتاپ ءوتتى. شىنىندا دا, تاۋەلسىزدىك – باسىمىزداعى باق. ونى ايالاي ءبىلۋ – ءبارىمىزدىڭ مىندەتىمىز», دەپ جازدى ءالي بەكتاەۆ الەۋمەتتىك جەلىدەگى پاراقشاسىندا.