رەسپۋبليكالىق بيۋدجەت: شىعىن كوپ, تابىس از

Finprom مالىمەتى بويىنشا, شى­عىن مەن تابىس اراسىنداعى ايىر­ماشىلىق – 2,4 ترلن تەڭگە, ارا­قاتىناسى – 118,5 پايىز. ال بىلتىر ايىرماشىلىق 720,9 ملرد تەڭگە, اراقاتىناسى 106,1 پايىز بولعان. سوڭعى جىلدارى شىعىن تابىستان ۇنەمى اسىپ كەتىپ ءجۇر.

بيىل قاڭتار-قىركۇيەكتەگى رەسپۋب­ليكالىق بيۋدجەت تابى­سىنىڭ 69,1 پايىزى سالىق تۇ­سىم­دەرى ەسەبىنەن قا­لىپتاستى. جالپى, جىل باسىنان بەرى قازىناعا 8,9 ترلن تەڭگە سالىق تۇسكەن, بۇل بىلتىرعى قاڭتار-قىركۇيەكپەن سالىستىرعاندا بىردەن 23 پايىزعا ارتىق. ەڭ كوپ بولىگىن قوسىلعان قۇن سالىعى (4,1 ترلن تەڭگە), كورپوراتيۆتىك تابىس سالىعى (2,4 ترلن تەڭگە) جانە اكتسيزدەر (116,6 ملرد تەڭ­گە) قۇرادى.

سالىقتىق ەمەس تۇسىمدەر – 245,7 ملرد تەڭگە ء(بىر جىلدا 1,9 پايىزعا كوبەيگەن), نەگىزگى كاپي­تالدى ساتۋدان تۇسكەن تابىس 401,3 ملن تەڭگە (69,2 پايىزعا ازايعان) بولىپتى. ال ترانسفەرتتەر 3,7 ترلن تەڭگە, بىل­تىرعىدان 12,4 پايىزعا از.

رەسپۋبليكالىق بيۋدجەت شى­عى­نىنا كەلەتىن بولساق, بيىل قاڭتار-قىركۇيەك قورى­تىن­دىسى بويىنشا ونىڭ باسىم بولىگى الەۋمەتتىك كومەك پەن الەۋ­مەتتىك قامسىزداندىرۋعا تيەسىلى بولدى: 3,5 ترلن تەڭگە, ءبىر جىلدا 8,4 پايىزعا كوبەيگەن. بۇل – مەملەكەتتىك بيۋدجەتتىڭ بار­لىق شىعىنىنىڭ 22,8 پايى­زى.

شىعىننىڭ تاعى 9,9 پايىزى دەن­ساۋ­لىق ساقتاۋ سالاسىنا جۇمسالدى: 1,5 ترلن تەڭگە – بىلتىرعىدان 9,9 پايىزعا كوپ. ودان كەيىنگى ورىندا 5,1 پايىز ۇلەسپەن قوعامدىق ءتارتىپتى, قاۋىپ­سىزدىكتى قامتاماسىز ەتۋ, قۇقىقتىق, سوت جانە قىل­مىس­تىق-اتقارۋ قىزمەتى سا­لا­س­ىنا جۇمسالعان شىعىن تۇر (جىل باسىنان بەرى 785,9 ملرد تەڭگە, 21,5 پايىزعا كوبەيگەن).

قارىزعا قىزمەت كورسەتۋگە بيۋد­جەتتەن 1,6 ترلن تەڭگە جۇم­سالعان. 2022 جىلى بۇل با­عىت­تاعى شىعىن 1,1 ترلن تەڭگە بولعان. جىلدىق ءوسىم – 42,5 پايىز.