قاراعاندىنىڭ ىسكەرلىك كەلبەتى

جيىن بارىسىندا وڭىردە وندىرى­لە­تىن تاۋارلاردىڭ ارنايى كور­مەسى ۇيىم­­­داستىرىلدى. جيىر­ما­دان استام جەر­­­گىلىكتى كومپانيانىڭ ونىمدەرى سورەگە شى­­عارىلدى.

وتاندىق تاۋار وندىرۋشىلەر, بيزنەس-قوعامداستىق وكىلدەرى, سونداي-اق كاسىپ­كەر­لىكتى دامىتۋ ينستيتۋتتارى باس قوسقان القالى جيىندا ايماقتىڭ دامۋ پەرسپەكتيۆالارى مەن ينۆەستيتسيالىق مۇم­كىن­دىك­تە­رىن تالقىلادى. اسىرەسە ماشينا جاساۋ مەن ءتۋريزمدى تۇلەتۋ ماسەلەلەرى سەكتسيالاردا ەگجەي-تەگجەي قاراس­تى­رىل­دى.

فورۋمنىڭ پلەنارلىق وتىرىسىندا وبلىس اكىمى ەرماعانبەت بولەك­پاەۆ, ستراتەگيالىق باستامالار ورتا­لىعىنىڭ اعا سەرىكتەسى ولجاس قۇداي­بەرگەنوۆ, «دامۋ» كاسىپكەرلىكتى دا­مىتۋ قورى باسقارما توراعاسىنىڭ ورىنباسارى نۇرسۇلتان ابدوللا, «اتامەكەن» ۇكپ اتقارۋشى ديرەكتورى الماتى اسقار ءسوز الدى.

ء«بىزدىڭ ايماق وندىرىستەن باستاپ, باستاپقى جانە قايتا وڭدەۋگە دەيىنگى بارلىق ءوندىرىس تسيكلىن قولداۋعا جانە قامتاماسىز ەتۋگە ماماندانعان. ءبىز ودان دا جوعارى وندىرىستەرگە قىزىعۋشىلىق تانىتامىز جانە بۇل ءۇشىن جاعداي جاسالعان. 1,5 ترلن تەڭگەگە 56 ينۆەستيتسيالىق جوبانىڭ پۋلى قۇرىلدى, ونىڭ 33-ءى وڭدەۋ ونەركاسىبىندە. كرەاتيۆتى يندۋس­تريالاردى دامىتۋدا, اسىرەسە IT سالادا زور الەۋەتتى كورىپ وتىرمىز. بىزدە «تەرريكون القابى» IT-حاب جوباسى ءساتتى جۇزەگە اسىرىلىپ جاتىر. بۇل – تالانتتى جانە كرەاتيۆتى جاستاردى جينايتىن الاڭ. مىسالى, KZ Tranzit زاۋىتى قازىر ينجەنەرلىك پلاستماسسالاردى 3D نۇسقاسىندا باسىپ شىعارۋمەن, سىنعان بولشەكتەردى قالپىنا كەلتىرۋمەن جانە ءتىپتى مە­ديتسينالىق يمپلانتتاردى جاساۋ­مەن اينالىسادى. «جول قالاي» جوباسى – جولدارداعى شۇڭقىرلاردى اۆتوماتتى تۇردە انىقتاي الاتىن قالا­لىق جول جامىلعىسىن باقى­لاۋ جۇيەسى. مۇندا جۇيە پاترۋل­دىك قىزمەت پەن جەدەل جاردەم كولىكتەرىنەن بەينەتىركەگىشتەر ارقى­لى دەرەكتەردى قابىلدايتىن بولادى. بۇل اقپارات كوممۋنالدىق قىز­مەتتەرگە ناقتى ۋاقىتتا جولداردى باقىلاۋعا مۇمكىندىك بەرەتىن كارتادا كورسەتىلەدى. بارلىق جوبا نازار اۋدارۋعا لايىق, بىراق ولاردىڭ ىسكە اسۋى ينۆەستيتسيا تارتۋعا بايلانىستى ەكەنى بەلگىلى», دەدى ايماق باسشىسى.

وڭىردە ەلىمىزدەگى كوكستەلەتىن كومىردىڭ بارلىعى, جىلۋ كومىرىنىڭ ۇشتەن ءبىرى, ءتۇستى مەتالدىڭ 16 پايىزى, اسىل مەتالدىڭ 15 پايىزى جانە فەرروقورىتپالاردىڭ 5 پايىزعا جۋىعى شىعادى. ونىمەن قوسا قاتتى پايدالى قازبالاردى بارلاۋ جانە ءوندىرۋ بويىنشا الەۋەتتى 390 ۋچاسكە بار. ياعني كومىر, التىن, تەمىر-مارگانەتس, پوليمەرلەر, تاعى باسقا كەن ورىندارى.

اۋىل شارۋاشىلىعى ءونىمىنىڭ كولە­مى­مەن دە الدىڭعى قاتاردا. اگرو­ما­مان­داردىڭ ايتۋىنشا, جۇمىرت­قا ون­دىرۋدەن ءۇشىنشى, كارتوپ وندىرۋدەن ءتور­تىنشى, سۇتتەن جەتىنشى ورىندا. قارا­عان­دىنىڭ اۋىل ءدامىن باسقا دا وڭىرلەر تۇتىنادى. ءوز كەزەگىندە وبلىس اكىمى مال تەرىسى مەن ءجۇنىن وڭدەۋ سالاسىنداعى جوبالارعا قىزىعۋ­شىلىق تانىتاتىنىن العا تارتتى.

جوعارىدا اتاپ وتكەنىمىزدەي, تۋريزم سالاسى دا الەۋەتتى باعىتتاردىڭ ءبىرى. قاراعاندى – تۋريزمگە سۇرانىپ تۇر. توپ 10-عا كىرەتىن بالقاش, توپ 50-گە كىرەتىن قارقارالى بار. جاڭا ينۆەستورلار تارتۋ ارقىلى تۋريزمگە قان جۇگىرتۋ – باستى ماقسات.

«قارقارالى اۋدانى مەن بالقاش – وبلىستىڭ باستى تۋريستىك ايماق­تا­رىنىڭ ءبىرى. قازىر ءبىز اۆتوبان قۇ­رى­­لىسىن اياقتاۋعا جاقىنبىز. بۇل بى­رە­­گەي كول جاعاسىندا ادەمى دەما­لىستى ۇيىمداستىرۋعا جول اشادى. قارقارالى وڭىرىنە باراتىن 50 شاقىرىم جول جوندەلدى, كەلەر جىلى تاعى 50 شاقىرىمىن جوندەيمىز. وسىلايشا, ونداعى 70 گەكتار جەردى تۋريستىك باعىتقا دايىندايمىز. جوباعا قىزىعۋشىلىق تانىتقان ينۆەستورلارمەن جۇمىس ىستەۋگە دايىنبىز. بيىل وڭىردە 7 دەمالىس ايماعى اشىلعان, كەلەسى جىلى تاعى 7 دەمالىس ورنى ءوز جۇمىسىن باستايدى. وندا 1,5 ملرد تەڭگە ينۆەستيتسيا سالىنعان. قاراعاندى وبلىسى 1 جىل ىشىندە بيزنەس­كە قولايلى جاعداي جاساۋدان 5-ورىننان 2-ورىنعا كوتەرىلدى. مۇنى جوعارى اۋديتورلىق پالاتا وكىلدەرى راستاپ وتىر. وبلىستىڭ تۋريستىك باعىتىنا 2 ۇلتتىق تابيعي پارك – قارقارالى جانە بۇيراتاۋ جانە 2 500-دەن استام تاريحي جانە مادەني ەسكەرتكىشتەر كىرەدى», دەدى ە.قابدۋلا ۇلى.

كاسىپكەرلىك سالاسىنداعىلارعا دا قولداۋ قوماقتى. ماسەلەن, شاعىن جانە ورتا بيزنەستىڭ 5 مىڭعا جۋىق جوباسىنا قارجىلىق قولداۋ كورسەتىلدى. گرانتتار, جەڭىلدەتىلگەن نەسيەلەر مەن سۋبسيديالار ارقىلى. مۇنىمەن قوسا ينۆەستورلاردىڭ يگىلىگى ءۇشىن ينۆەستيتسيالىق جوبالاردى قولداۋ بويىنشا قىزمەتتەردىڭ تولىق پاكەتىن ۇسىناتىن سەرۆيستىك ورتالىق ىسكە قوسىلدى.

ء«بىزدىڭ زاۋىتىمىز «سارىارقا» اەا-دا ورنالاسقان. ءبىز رەزەڭكە مەتالل توسەم شىعارامىز. ينۆەستورلار ءۇشىن بارلىق جاعداي جاسالىپ جاتىر. ءوز الاڭىمىزدى, ونىمدەرىمىزدى كەڭەيتىپ جاتىرمىز. قۇيۋ زاۋىتىن سالۋ ءۇشىن تاعى دا جەر تەلىمىن الدىق. بۇل – جاڭا جۇمىس ورىندارى دەگەندى بىلدىرەدى. قازىر كاسىپورىندا 72 ادام جۇمىس ىستەيدى, ال جاڭا ءوندىرىس ورنى اشىلعاننان كەيىن جۇمىسشىلار سانىن 200-250 ادامعا دەيىن ارتتىرۋدى جوسپارلاپ وتىرمىز», دەيدى كاسىپكەر قۋاندىق قازانعاپوۆ.

فورۋمدا قاراعاندى وبلىسىنىڭ اكىمدىگى مەن «قازاقمىس» كورپوراتسياسى» جشس اراسىندا ەلى­شىلىك قۇندىلىقتاردى دامىتۋدا ءوزارا ىنتى­ماقتاستىق تۋرالى مەمو­ران­دۋم­عا قول قويىلدى.

كەيىنگى جىلدارى 5 مىڭ بيزنەس جوبانى جۇزەگە اسىرۋ ءۇشىن وبلىستىق بيۋدجەتتەن 23 ملرد تەڭگە بولىنگەن. ناتيجەسى دە تابىستى. قولداۋ سەزىنگەن كاسىپورىنداردىڭ ءونىم كولەمى 3,5 ەسەگە ارتتى. وسى سالادا 240 مىڭعا جۋىق ازامات ناپاقا تاۋىپ وتىر.

فورۋمعا قاتىسقان كاسىپكەرلەر مۇن­داي كەزدەسۋ تەك وزدەرىن تانىس­تى­رۋعا عانا ەمەس, ءتيىمدى بايلانىس ورناتۋ ءۇشىن قاجەت ەكەنىن جەتكىزدى.

قاراعاندى وبلىسى