قويان-قولتىق ۇرىس سپورتىنان جەڭىمپازدار انىقتالدى

قورعانىس ءمينيسترى گەنەرال-پولكوۆنيك رۋسلان جاقسىلىقوۆ ءوز سوزىندە مەملەكەت باسشىسى قاسىم-جومارت توقاەۆ ۇلت دەنساۋلىعىن نىعايتۋ مەن حالىق اراسىندا بۇقارالىق سپورتتى دامىتۋ ماسەلەلەرىنە كوپ كوڭىل بولەتىنىن اتاپ ءوتتى.

گەنەرال-پولكوۆنيك رۋسلان جاقسىلىقوۆ حالىقارالىق قويان-قولتىق جەكپە-جەك فەدەراتسياسىنىڭ پرەزيدەنتى سەرگەي استاحوۆقا سپورتتىڭ وسى ءتۇرىن ناسيحاتتاعانى ءۇشىن العىسىن ءبىلدىرىپ, سپورتشىلاردى بايراقتى باسەكەنىڭ اياقتالۋىمەن قۇتتىقتادى. 

– قويان-قولتىق ۇرىس ەلىمىزدەگى بارلىق كۇشتىك قۇرىلىمداردا ماڭىزعا يە. قارۋلى كۇشتەردە اسكەري قىزمەتشىلەردىڭ دەنە شىنىقتىرۋ باعدارلاماسى پاندەرىنىڭ ءبىرى بولىپ تابىلادى. بۇل اسكەري قىزمەتشىلەردى شىنىقتىرىپ, ولاردى مىقتى ءارى ءتوزىمدى ەتەتىن سپورت ءتۇرى, – دەپ اتاپ ءوتتى مينيستر.

ءوز كەزەگىندە حالىقارالىق قويان-قولتىق ۇرىس فەدەراتسياسىنىڭ پرەزيدەنتى سەرگەي استاحوۆ قازاقستان قورعانىس مينيسترلىگىنىڭ باسشىلىعىنا ءىس-شارانى جاقسى ۇيىمداستىرعانى ءۇشىن العىسىن ءبىلدىردى.

– ايازعا قاراماستان, ءبىز سىزدەردىڭ جۇرەك جىلۋلارىڭىز بەن قوناقجاي كوڭىلدەرىڭىزگە بولەندىك. قازاقستان حالىقارالىق جارىستاردى وتكىزۋدى ءوز موينىنا الىپ وتىر. جۋىردا عانا ءبىز وسىندا قويان-قولتىق ۇرىستان الەم چەمپيوناتىن وتكىزدىك. ال بۇگىن ارميالىق قويان-قولتىق ۇرىستان تمد چەمپيوناتى ءوتىپ وتىر. مۇنىڭ ءبارى سپورتتىڭ بارلىق سالالارىنىڭ دامۋىنا ءسوزسىز سەرپىن بەرەدى. قازاقستان سپورتتىق قويان-قولتىق ۇرىس, ءوزىن-ءوزى قورعاۋ جانە ارميالىق قويان-قولتىق ۇرىس بويىنشا بىرلەسكەن چەمپيوناتتار وتكىزەتىن العاشقى ەل بولىپ وتىر. بۇل جاقسى داستۇرگە اينالدى جانە كەلەسى جىلدان باستاپ حالىقارالىق فەدەراتسيانىڭ بارلىق ءىرى جارىستارىنا ارميالىق قويان-قولتىق ۇرىسى دا قوسىلماق. بۇل جەردە, ارينە, قازاقستاننىڭ ەڭبەگى ەلەۋلى, – دەپ اتاپ ءوتتى ول.

تمد-عا قاتىسۋشى مەملەكەتتەر دوستىق ارميالارى چەمپيوناتىنىڭ قورىتىندىسى بويىنشا كوماندالىق ەسەپتە قازاقستان قۇراماسى جەڭىسكە جەتتى. ەكىنشى ورىندى رەسەي كومانداسى ەنشىلەسە, وزبەكستاندىق سپورتشىلار ءۇشىنشى ورىنعا يە بولدى.

جەكە بىرىنشىلىكتە 55 كەلىگە دەيىنگى سالماقتا سەرجانت ايدىن نۇريدينوۆ (قازاقستان), 60 كەلىگە دەيىنگى سالماقتا مايور امان شاكىرتوۆ (قازاقستان), 65 كەلىگە دەيىنگى سالماقتا اعا لەيتەنانت جانىبەك ءسابيت (قازاقستان), 70 كەلىگە دەيىنگى سالماقتا سەرجانت اندرەي لياشەنكو (رەسەي), 75 كەلىگە دەيىنگى سالماقتا سەرجانت وليمجون نومۋرودوۆ (وزبەكستان), 80 كەلىگە دەيىنگى سالماقتا كۋرسانت تەمىرحان حاسانوۆ (رەسەي), 85 كەلىگە دەيىنگى سالماقتا سەرجانت ازامات اسىلبەك ۇلى (قازاقستان), 85 كەلىدەن جوعارى سالماقتا لەيتەنانت رۋسلان گاباراەۆتار (رەسەي) چەمپيون اتاندى.  

سونىمەن بىرگە رەسەيلىك سپورتشى رۋسلان گاباراەۆقا «ۇزدىك تەحنيكا» نوميناتسياسى بەرىلدى. ال «جەڭىسكە دەگەن جىگەرى ءۇشىن» نوميناتسياسىنا وزبەك سپورتشىسى سەرجانت شوحرۋز شاريفوۆ يە بولدى. ءادىل تورەشىلىك جاساعانى جانە سپورتتىق قاعيداتتاردى مۇلتىكسىز ورىنداعانى ءۇشىن جارىس تورەشىسى, قر قورعانىس مينيسترلىگى ورتالىق سپورت كلۋبى سپورتتىق ءىس-شارالاردى ۇيىمداستىرۋ ءبولىمىنىڭ وفيتسەرى اعا لەيتەنانت نۇربول ساياباەۆ گراموتامەن ماراپاتتالدى.

قازاقستاننىڭ كۇشتىك قۇرىلىمدارى اراسىنداعى قويان-قولتىق ۇرىستان قر قورعانىس ءمينيسترىنىڭ كۋبوگىن قورعانىس مينيسترلىگىنىڭ كومانداسى جەڭىپ الدى. ەكىنشى ورىندى مەملەكەتتىك كۇزەت قىزمەتىنىڭ قۇراماسى يەلەنسە, ىشكى ىستەر مينيسترلىگىنىڭ كومانداسى ءۇشىنشى ورىندى مىسە تۇتتى.

جەكە ەسەپتە ايەلدەر اراسىندا 52 كەلىگە دەيىنگى سالماق دارەجەسىندە ەفرەيتور ايان تۇرسىن (ورتالىق سپورت كلۋبى), 64 كەلىگە دەيىنگى سالماق دارەجەسىندە اعا لەيتەنانت امينا شايمەنوۆا (مەملەكەتتىك كۇزەت قىزمەتى), 70 كەلىگە دەيىنگى سالماق دارەجەسىندە اعا لەيتەنانت گۇلبانۋ ساماتوۆا ء(ىىم) چەمپيون اتاندى.

ەرلەر اراسىندا 57 كەلىگە دەيىنگى سالماق دارەجەسىندە سەرجانت جاندوس مادەحيانوۆ (قورعانىس مينيسترلىگى), 62 كەلىگە دەيىنگى سالماق دارەجەسىندە كاپيتان اسحات جىلىسبەكوۆ (قر سىبايلاس جەمقورلىققا قارسى ءىس-قيمىل اگەنتتىگى), 67 كەلىگە دەيىنگى سالماق دارەجەسىندە كاپيتان امانبەك جامانقاراەۆ ء(ىىم), 73 كەلىگە دەيىنگى سالماق دارەجەسىندە سەرجانت اسلان وراز (مەملەكەتتىك كۇزەت قىزمەتى), 80 كەلىگە دەيىنگى سالماق دارەجەسىندە مايور اسىلبەك سمايىلوۆ (مەملەكەتتىك كۇزەت قىزمەتى), 88 كەلىگە دەيىنگى سالماق دارەجەسىندە لەيتەنانت ارمان ەرمەنبەت (قورعانىس مينيسترلىگى), 97 كەلىگە دەيىنگى سالماق دارەجەسىندە اعا لەيتەنانت مەيرامبەك الماتى (مەملەكەتتىك كۇزەت قىزمەتى), 97 كەلىدەن جوعارى سالماق دارەجەسىندە اعا لەيتەنانت جاراس ءىلياسوۆ (مەملەكەتتىك كۇزەت قىزمەتى التىننان القا تاقتى.