قاراعاندىدا داۋىلپاز اقىن قاسىم امانجولوۆ اتىنداعى «دۇنيەگە كەلەر ءالى تالاي قاسىم» اتتى رەسپۋبليكالىق ءداستۇرلى ءمۇشايرا ءوتتى. ءمۇشايرا شارتى بويىنشا ولەڭدەر 20-35 جاس ارالىعىنداعى اقىندار اراسىنان ىرىكتەلىپتى.
ءار اۆتور قاسىمعا ارناۋ جانە ەركىن تاقىرىپتا جازىلعان ەكى ولەڭ, بارلىعى ءۇش تۋىندىدان ۇسىنعان. قازىلار القاسى ولەڭنىڭ يدەيالىق مازمۇنىنا, كوركەمدىك ساپاسىنا, اۆتورلاردىڭ ءسوز ساپتاۋ مانەرى مەن ستيلدىك ەرەكشەلىگىنە نازار اۋداردى.
ءداستۇرلى ءمۇشايرانىڭ باس جۇلدەسى باياناۋىلدان قاتىسقان جاس اقىن جولامان ايتكەنگە بۇيىردى.
– ستۋدەنتتىك شاعىم قاراعاندىدا ءوتتى. ە.بوكەتوۆ اتىنداعى قاراعاندى ۋنيۆەرسيتەتىنىڭ تۇلەگىمىن. مۇندا كوپتەگەن ادەبيەتشى عالىمداردىڭ ءتالىم-تاربيەسىن الدىق. قاراعاندىنىڭ ادەبي ورتاسى دا كوپ دۇنيە ۇيرەتتى. جالپى, قاسىم جىرلارىنان الار تاعىلىم كوپ, – دەيدى جولامان ايتكەن.
ولەڭ دوداسىندا قاراعاندىلىق شايىر ەرىك نارىن I ورىنعا يە بولسا, ءىى ورىن استانالىق ايدىن بايىس پەن ساتباەۆ قالاسىنان قاتىسقان ماقپال سابىرعا بۇيىردى.
ال ۇزدىك ۇشتىككە قوستانايلىق باقىتجان الكەباەۆ پەن بالعىن اپباسحان ىلىكتى. ىنتالاندىرۋ سىيلىعىن شەت اۋدانى, اقوي اۋىلىنان كەلگەن اباي كالىم, قاراعاندىلىق كامشات حاسەن جانە ساتباەۆتىق ءمادي ولجاباي يەلەندى.
جۇلدەگەر اقىندار ورتاعا شىعىپ, ولەڭدەرىن وقىدى. جاس اقىنداردىڭ جالىندى جىرلارى كورەرمەنگە رۋح سىيلادى.
قاراعاندى وبلىسى