اۆتوبۋس پاركى جاڭارىپ جاتىر

جاقىندا تاعى دا جاڭا اۆتوبۋستار جولعا شىقتى. جەلىگە №3 اۆتوپاركتىڭ 34 جاڭا اۆتوبۋسى شىقتى. ولار №40, 43, 53 جانە 118 مار­شرۋتتارىنا قىزمەت كورسەتەدى.

– 34 جاڭا اۆتوبۋس ساتىپ ال­دىق. بۇلار كليماتتى باقىلاۋ, بەينە­با­قى­لاۋ جۇيەلەرىمەن جانە اقىلدى كامەرا­لارمەن جابدىقتالعان. مىسا­لى,­ ەگەر جۇرگىزۋشى شارشاسا, قالعىپ كەت­سە, تەمەكى شەكسە نەمەسە تەلەفونمەن سويلەسسە, بۇل كامەرالار ءبارىن ءتۇسى­رىپ, ەرەجە تالابى بۇزىلعانى تۋرا­لى بەلگى بەرەدى. وسىلايشا, ناق­تى ۋاقىت رەجىمىندە بارلىعىن قادا­عالاپ وتىرۋعا تەحنيكالىق مۇم­كىندىگىمىز بار, – دەيدى №3 اۆتوبۋس پاركىنىڭ باس ديرەكتورى ارتۋر ميحاي­لوۆيچ.

اۆتوپاركتە التى جىل بويى ەڭ­بەك­ ەتىپ جۇرگەن ەلدوس ەرتاي – جاڭا اۆتوبۋس تاقىمداعانداردىڭ ءبىرى.

– بۇرىنعى اۆتوبۋسىم اسا ەسكى ەمەس ەدى. 2019 جىلعى. دەگەن­مەن جاڭا اۆتوبۋس جايلى. كامە­را­مەن تۇگەل جابدىقتالعان. اۆتوپاركىمىز جاڭارىپ قالدى. ايتپەسە بۇعان دەيىن №70 اۆتوبۋستى جۇرگىزگەنمىن. ول تىم ەسكى ەدى. جولاۋشىلار امال­دىڭ­ جوقتىعىنان مىنەتىن. ونىمەن قوسا, سىنىپ, جوندەۋدە تۇراتىن. سول كەزدە اۆتوبۋس رەيسى كەشىگەتىن. جەتىس­پەۋشىلىك بولاتىن. قازىر ونىڭ ءبارى ءوز شەشىمىن تاۋىپ كەلەدى, – دەيدى ەلدوس بولات ۇلى.

جالپى, بيىلعا وبلىس بو­يىنشا قالا ىشىندە قاتىنايتىن 195 جاڭا اۆتوبۋس ساتىپ الۋ جوسپارلانعان. بۇگىندە ونىڭ 95-ءى جولعا شىققان. قالعان 100 اۆتوبۋس جىل سوڭىنا دەيىن ساتىپ الىنىپ, قولدانىسقا بەرىلمەك.

– جىل سوڭىنا دەيىن 100 اۆتو­­­­­بۋس­­­­ت­ىڭ 96-سىن №3 اۆتوبۋس پار­كى,­­­­ ال قالعان تورتەۋىن «رەيس» جم­­­­­ ساتىپ الادى. №3 اۆتوپاركى 36 اۆ­تو­­­­­بۋستى قالاارالىق مارشرۋت­تار­­ بويىنشا جۇرگىزەدى. ياعني ونداعى جۇر­­­گەن ەسكى اۆتوبۋستار جاڭارادى, – دەي­­دى جولاۋشىلار كولىگى جانە اۆتو­مو­­بيل جولدارى باسقارماسىنىڭ باس­­شىسى ماقسۇت قوجانوۆ.

باسقا اۋدان, قالاداعى جولاۋشىلار قاتىناسى دا نازاردا. ماسەلەن, بىلتىر ساران قالاسىنا سۋ جاڭا 11 اۆتو­بۋس ساتىپ الىنىپ, قالاىشىلىك قولدانىسقا بەرىلگەن. بيىل اباي اۋدانىنا جىل سوڭىنا دەيىن «سەماز» زاۋى­تىنان 8 اۆتوبۋس ساتىپ الىنباق. وسى ارقىلى اۋدانىشىلىك باعىتتا قاتى­نايتىن ەسكى اۆتوبۋستاردى جاڭار­تۋ كوزدەلىپ وتىر.

– بۇعان قوسا بالقاش قالا­سى­ بويىن­شا دا قالاىشىلىك مارش­رۋت­تاعى ەسكىرگەن اۆتوبۋستاردى­ تولىق اۋىس­تىرۋ ماسەلەسى پىسىق­تالىپ جا­تىر. 29 جاڭا اۆتوبۋس ساتىپ الماق جوسپارىمىز بار. اۆتوبۋستار كەلە­سى جىلدىڭ باسىندا بالقاشقا جەت­كى­زى­لە­دى, – دەيدى م.قوجانوۆ.

وسىعان دەيىن №5 اۆتوپارك­كە­ 59 اۆتوبۋس جەتكىزىلگەنىن حا­بار­­­­لاعانبىز. بۇل جاڭالىققا پري­شاح­­تينسك تۇر­عىن­دارى ەرەكشە­ قۋانعان-تىن. بۇ­رىن­ وسى باعىتتا قاتىنايتىن №145 جانە №45 اۆتو­بۋس­تاردىڭ دەنى ەسكىر­گەن­ ەدى. قازىر جولاۋشىلار «ەۋرو-5» ەكو­لو­گيالىق ستاندارتى تالاپتارىنا تولىق ساي جاڭا مارشرۋتپەن قاتى­ناپ ءجۇر.

وبلىس اكىمى ەرماعانبەت بولەك­پاەۆ­ №5 اۆتوپاركتەگى كەزدە­­سۋىندە قوعا­م­دىق كولىكتىڭ جۇمىس كەستەسىن ۇزار­تۋ كەرەكتىگىن تاپ­سىر­عان ەدى.

– وسىمەن ءۇشىنشى جىل قوعام­دىق كولىكتى جاڭارتۋمەن تۇراقتى تۇردە اينا­لىسىپ كەلەمىز. «Onay» ەلەكترون­دى­ بيلەتتەۋ جۇيەسىن ەنگىزدىك. قالا­لىق مارشرۋتتاردا عانا ەمەس, قالا ما­ڭىنداعى مارشرۋتتاردا دا جول ءجۇرۋ­دى ەكى ەسەگە جۋىق ارزانداتۋعا مۇم­كىندىك جاسادىق. 18 جاسقا دەيىنگى بالا­لاردى تەگىن جول جۇرەتىن قىل­دىق. ەندى پريشاحتينسك تۇرعىن­دا­رى­نىڭ ۇيىنە جەتۋى ءۇشىن اۆتو­بۋس­تار­دىڭ جۇمىس ۋاقىتىن 21.00-گە دەيىن ۇزارتۋ ماسەلەسى عانا قالدى. قالا­ارالىق اۆتوبۋستاردى دا جاڭار­تۋ كوزدەلگەن. ەڭ سۇرانىسقا يە با­عىت­تار­دىڭ ءبىرى قاراعاندى – تەمىرتاۋ باعى­تىنا شىعادى. جاقىن ارادا بال­قاش قالاسىنىڭ دا اۆتوبۋس پاركى جاڭا­رادى. №5 اۆتوپاركتىڭ يەلەرى سول­ جەردە دە جۇمىس ىستەيدى, – دەگەن ەدى اكىم.

جاڭا اۆتوبۋستار جىلدام­دىق­­تى شەكتەيتىن داتچيكتەرمەن, ءجۇ­رىپ-تۇرۋى قيىن جولاۋشىلارعا ار­­نال­عان كوتەرگىشتەرمەن جاب­دىق­­­ت­العان. ولاردىڭ كليرەنسى جو­عا­رى, جۇرگىزۋشىگە قوڭىراۋ شالۋ تۇي­مەسى بار. اۆتوبۋستار «ەۋرو-5» ەكولوگيالىق ستاندارتى تالاپ­تا­رىنا تولىق جاۋاپ بەرەدى. سى­يىم­دى­لىعى – 80 ادام. قاي ايالدامالارعا قا­تى­نايتىنى جايلى ەلەكتروندى تاقتادا كورسەتىلەدى. ەندى قالا ىشىن­دەگى اۆتوبۋستار جاسىل بولسا, قالا­ارا­لىق مارشرۋتتاردىڭ ءتۇسى كوك بولا­دى.

قازىر اۆتوپارك تەحني­كا­لا­رىنىڭ 80 پايىزى جاڭارتىلعان. مۇنداي باعىت­تاعى جۇمىستار ءالى جالعاسادى.

قاراعاندى وبلىسى