كۇنى كەشە قاراعاندىدا قاتتى جاۋعان جاڭبىردىڭ سوڭى بۇرشاققا ۇلاستى. قالانىڭ كەي كوشەلەرى كولگە اينالدى. جۇرتتىڭ دەنى اياعىمەن سۋ كەشتى, كولىكتەر بەلورتاعا دەيىن جاڭبىر سۋىنا باتتى. وسى ءبىر ساتتە ساعاتتاپ سۋ ورتاسىندا تۇرىپ, جول قوزعالىسىن رەتتەگەن جول-پاترۋلدىك پوليتسيا قىزمەتكەرلەرىنە ەل ريزا بولدى.
كەشكىلىك گوگول مەن ءابدىروۆ كوشەلەرىنىڭ قيىلىسىنداعى باعدارشام تەحنيكالىق اقاۋدان ءوشىپ قالعان. كەپتەلىس بولدىرماۋ ءۇشىن جول-پاترۋلدىك پوليتسيا قىزمەتكەرلەرى جەدەل جەتىپ, كولىكتەرگە باعىت-باعدار بەرگەن. ەل ىقىلاسىنا بولەنگەن ەكەۋ – قاراعاندى پوليتسيا باسقارماسىنىڭ پاترۋلدىك پوليتسيا پولكىنىڭ قىزمەت ينسپەكتورى, اعا لەيتەنانت باعدات بەكماعامبەتوۆ پەن پوليتسيا ينسپەكتورى ەرنات جارقىنبەكوۆ. جىگىتتەر جارتى ساعات سايىن اۋىسىپ وتىرعان. سول ءبىر ءساتتى ۆيدەوعا ءتۇسىرىپ العان جەلى قولدانۋشىسى الەۋمەتتىك جەلىلەرگە جۇكتەگەن.
ء«بىز قىزمەتكە كىرىسەردە انت بەرەمىز. ادال قىزمەت ەتۋگە. جاڭبىر سۋى سالقىن بولسا دا, شىدادىق. باستىسى, مىندەتىمىزدى اتقاردىق. بار بولعانى سول», دەيدى باعدات مارات ۇلى.
ءمىنسىز قىزمەت ەتۋدى ماقسات ەتكەن ەكى ءتارتىپ ساقشىسى وسىلايشا الەمەتتىك جەلى قولدانۋشىلارىنىڭ وڭ ىقىلاسىنا بولەنىپ ءجۇر.
قاراعاندى وبلىسى