الدا تاعى ءبىر ماڭىزدى ساياسي ناۋقان كەلە جاتىر. اۋدان جانە وبلىستىق ماڭىزى بار قالالاردىڭ اكىمدەرىن سايلاۋ ۋاقىتى جاقىنداپ قالدى. ساياسي پارتيالار ءوز كانديداتتارىن ۇسىنا باستادى. قاراعاندى وبلىسىنىڭ ەكى اۋدانىنا قازاقستان حالىق پارتياسى دا ەكى كانديداتتى تاڭداپ, بىرەۋىنىڭ قۇجاتىن سايلاۋ كوميسسياسىنا تاپسىردى.
قازاقستان حالىق پارتياسىنىڭ قاراعاندى وبلىسىنداعى فيليالى 20 قىركۇيەك كۇنى كونفەرەنتسيا وتكىزگەن بولاتىن. كونفەرەنتسيادا الداعى اكىم سايلاۋىنا قاتىستى اڭگىمە قوزعالدى. پارتيا ۇجىمى قاراعاندىنىڭ وساكاروۆ جانە اقتوعاي اۋدانىنىڭ اكىم سايلاۋىنا ءوز كانديداتتارىن تاڭداپ, ولاردىڭ قۇجاتتارىن سايلاۋ كوميسسياسىنا ۇسىنۋ جونىندە شەشىم شىعاردى.
بەيسەنبى كۇنى پارتيا ۇجىمى وساكاروۆ اۋدانىنىڭ سايلاۋ كوميسسياسىنا كانديداتتارىنىڭ قۇجاتىن وتكىزدى.
– ءبىز پارتيا ۇجىمىمەن كەڭەسە كەلە, وساكاروۆ اۋدانىنىڭ اكىمى سايلاۋىنا ءوز كانديداتىمىزدى ۇسىندىق. كانديداتىمىزدىڭ قىرىق جىلعا ۋاقىت ەڭبەك ءوتىلى بار. اۋداننىڭ بارلىق ماسەلەسىن ءجىتى بىلەدى, جەرگىلىكتى جەردىڭ الەۋمەتتىك-ەكونوميكالىق احۋالىمەن جاقسى تانىس ءارى ونى دامىتا الادى دەپ سەنىم ءبىلدىرىپ وتىرمىز. كانديداتىمىز الداعى ۋاقىتتا ءوزىنىڭ سايلاۋالدى باعدارلاماسىن جاريالايدى, – دەيدى پارتيانىڭ وبلىستىق فيليال توراعاسى حالەل ماقسۇتوۆ.
ال اقتوعاي اۋدانىنىڭ سايلاۋ كوميسسياسىنا كانديداتتارىنىڭ قۇجاتىن كەلەر اپتادا تاپسىرادى.
– اۋداننىڭ نەگىزگى كۇشى ول – اۋىل. ءبىز اقتوعاي اۋدانىنىڭ اكىم سايلاۋىنا كانديداتىمىزدى اۋىلدان تاڭداپ وتىرمىز. اۋىلدىڭ ماسەلەسىن بىلەتىن مەملەكەتتىك قىزمەتكەر اۋداندى باسقارا الادى. اۋىلدى كوتەرۋ ارقىلى, اۋداننىڭ ءال-اۋقاتىن ارتتىرادى. اۋىل شارۋاشىلىعى سالاسىن كوتەرسە, ەلدىڭ ەكونوميكاسىن كوتەرەدى, – دەيدى حالەل مۇقاتاي ۇلى.
كانديداتتارى تىركەۋ 15 قىركۇيەكتە باستالىپ, سايلاۋعا 25 كۇن قالعاندا – 10 قازاندا اياقتالادى. اۋداندار مەن وبلىستىق ماڭىزى بار قالالاردىڭ اكىمدەرىن سايلاۋ قاراشا ايىنىڭ ءبىرىنشى جەكسەنبىسىندە, ياعني 5 قاراشادا وتەدى. سايلاۋ 3 قالا مەن 42 اۋداندا وتەدى.
ساياسي پارتيالاردان بولەك جەكەلەگەن ازاماتتاردىڭ دا كانديدات بولۋعا مۇمكىندىگى بار. بۇل رەتتە ءوزىن-ءوزى ۇسىنعان ازامات سايلاۋعا ءتۇسىپ وتىرعان سايلاۋ وكرۋگىندە تىركەلگەن سايلاۋشىلاردىڭ جالپى سانىنىڭ كەمىندە 1 پايىز قولداۋىن جيناۋى قاجەت.
«كانديداتتار تىركەلگەننەن كەيىن اۋماقتىق سايلاۋ كوميسسياسى باق-تا كانديداتتى تىركەۋ تۋرالى شەشىمىن جاريالايدى. سايلاۋالدى ۇگىت-ناسيحات جۇمىستارى تىركەۋ اياقتالعان سوڭ بىردەن باستالادى, ول 24 كۇنگە سوزىلادى. داۋىس بەرۋ ءۇشىن تۇرعىندار تاڭعى ساعات 07.00-دەن 20.00-گە دەيىن اۋماقتىق سايلاۋ ۋچاسكەلەرىنە كەلە الادى. داۋىستاردى ساناۋ 12 ساعاتتان اسپاۋعا ءتيىس», دەدى وبلىستىق سايلاۋ كوميسسياسىنىڭ توراعاسى قايرات نۇركەنوۆ.
قاراعاندى وبلىسى