«بەتپە-بەت»: قياناتتىڭ اقىرى

فيلم توقسانىنشى جىل­­دار­داعى ەلدىڭ ەنشىسىندەگى دۇنيە-مۇ­لىكتى تالان-تاراجعا سالىپ, با­­يى­عان ءبىر پىسىقايدىڭ ءومى­رىن باياندايدى. باستى كەيىپكەر­لەر – بالا كەزدەن بىرگە وسكەن ءۇش دوس. سونىڭ ەكەۋى قۇلاعالى تۇرعان اۋىلدىڭ مادەنيەت ءۇيىن, ونداعى م ۇلىكتى ساتىپ جىبەرەدى. كەڭشاردىڭ دا جۇ­مىس تەحنيكالارىن جوق قى­لا­دى. اككىلەن­گەن الگىلەر جۇرت­تىڭ باس­قا دا بايلىعىنا كوز تىگە باس­تاي­دى. بىراق وراز ەسىمدى دوس­تارى مۇن­­داي شارۋانىڭ دۇرىس ەمەس ەكەنىن ايتىپ, قارسى شى­عادى. ودان قاۋىپتەنگەن اسىل وراز­دى ۇرىپ ءولتىرىپ, ءمايىتىن ور­تەپ جىبەرەدى. جاۋاپتان قاشۋ ءۇشىن پوليتسياعا پارا بەرىپ, «وزىنە-ءوزى قول جۇمسادى» دەگەن دەرەكتى تىركەتەدى. مارقۇمنىڭ سوڭىن­دا جارى مەن باۋىرجان ەسىمدى جال­عىز ۇلى قالادى. وقيعا 1993 جىلى بولعان. سودان بەرى 30 جىل وتەدى. ورازدىڭ ۇلى باۋىر­جان ەسەيىپ, وبلىستىق «Saryarqa» ­تە­لە­ارناسىنىڭ ءجۋر­نا­ليسى بولا­دى. ال اكەسىن ولتىر­گەن زالىم اسىل – كاسىبى دوڭ­گە­لەگەن, ەل­­دىڭ سۇ­يىك­تىسىنە اي­نال­­عان مەتسە­نات. مارات ەسىمدى ەكىنشى دوستارى ارباعا تاڭىلعان. اكەسىنەن ايى­رىلعان باۋىرجان 30 جىلدان كەيىن كەك الۋعا بەل بۋادى. ارنايى «بەتپە-بەت» باع­دار­لاماسىنا شا­قىرىپ, كو­رەرمەننىڭ كوزىنشە قىل­مىسىن اشكەرە قىلادى.

رەجيسسەر ء«ومىر دەگەن – بۋمەرانگ, جاساعانىڭنىڭ ءبارى الدىڭا كەلەدى», دەگەندى ايتادى.

 – بۇل ءفيلمنىڭ ستسەناريى ەل تاريحىمەن تىعىز بايلانىستى. ومىردەن الىنعان شىنايى تۋىندى. ەگەمەندىكتىڭ العاشقى جىل­دارىندا حالقىمىز تالاي قيىن­دىقتى كوردى. ال پىسىقاي, زالىمدار ۇرلىق جاساپ, ارام جولمەن بايىدى. مەن سول كەزەڭدەگى تۇرمىستى, جاعدايدى جەتكىزگىم كەلدى. فيلم ءوز دەڭگەيىندە دەپ ويلايمىن, – دەيدى ق.يگەن.

اسلاننىڭ رولىندە – مادەنيەت قايراتكەرى, «ەرەن ەڭبەگى ءۇشىن» مەدالىنىڭ يەگەرى مەكەن قيسىقوۆ. ال ارباعا تاڭىلعان ماراتتىڭ رولىندە – قازاقستاننىڭ ەڭبەك سىڭىرگەن ءارتىسى, مەملەكەتتىك سىي­­لىقتىڭ لاۋرەاتى كەڭەس جۇما­بەكوۆ. ورازدىڭ ۇلى, «بەتپە-بەت» باعدار­لاماسىنىڭ جۇرگىزۋشىسى – ساكەن تەاترىنىڭ اكتەرى باۋىر­جان نۇر­ماعانبەتوۆ.

«بەتپە-بەت» ءفيلمىن تۇسىرۋگە ەكى جارىم اي ۋاقىت كەتكەن. بار بولعانى 1 ملن تەڭگە جۇمسا­لىپ­تى. تۇسىرىلىمگە قاجەتتى تەحنيكا­لار, وپەراتورلار تاۋىپ بەرىپ, ءتىپتى اك­تەرلەرمەن وبلىستىق «Saryarqa» تەلە­ارناسى قولداۋ بىلدىرگەن.

بۇل رەجيسسەر قارشىعا يگەن­نىڭ العاشقى كينوتۋىندىسى ەمەس. وسىعان دەيىن رەجيسسەر­دىڭ «بلو­گەر كەلىن», «اداسقان ايەل», «قارا پيما», «تۇزاق», «حا­­بارلاما» دەگەن فيلمدەرى جا­­رىق­قا شىققان.

قاراعاندى وبلىسى