جەتىستىك العا جەتەلەيدى

جالپى العاندا ءوڭىردىڭ ءبىلىم سالا­سىن­داعى جەتىستىگى جىل وتكەن سايىن ار­تىپ كەلەدى. بۇل البەتتە, پەداگوگ مامان­داردىڭ تاباندى ەڭبەگىنىڭ, جانكەشتى­لىگىنىڭ ارقاسىندا مۇمكىن بولىپ وتىر.

– وبلىستىڭ ءبىلىم بەرۋ سالاسى سان ءتۇرلى باعىت بويىنشا وركەندەي تۇس­كەنى راس. بۇل جىل سايىنعى قار­جىلاندى­رۋدىڭ ارتۋىمەن بايلانىس­تى ەكەنى داۋ­سىز. ءوڭىردىڭ اعارتۋ سالاسىن دامىتۋعا جەرگىلىكتى اتقارۋشى بيلىك قاي كەزدە دە مۇددەلى. قولعا الىنعان ناقتى جۇ­مىس­تىڭ ناتيجەسىندە ءتۇرلى سانات بويىن­شا كورسەتكىش تە جاقسارا ءتۇستى. ءبىلىم سالاسىندا وزىنە ءتان ەرەكشەلىكتەرمەن مويىندالعان بىرنەشە حالىقارالىق جوبا بار ەكەنى بەلگىلى. ءبىز سولاردىڭ ساراپ­تاماسىنا دەن قويامىز. سا­راپشى­لاردىڭ پىكىرىنە سۇيەنسەك, TIMSS, PISA, PIRLS, ICILS حا­لىقارالىق زەرتتەۋ ۇيىم­دا­رىنىڭ تاۋەلسىز باعالاۋ جۇيەسى قاي كەزدە دە ماڭىزعا يە. ءتيىستى دەڭگەيدە جۇرگىزىلگەن زەرتتەۋ ناتيجەسىنە سۇيەنسەك, ءوڭىر وقۋشىلارىنىڭ رەسپۋبليكالىق دەڭگەيدەگى كورسەت­كىشى ايتارلىقتاي جوعارى­لاعان. وڭىردە وقۋ ۇردىستەرىن وركەندەتۋ, وقىتۋ ساپاسىن ىلگەرىلەتۋ ءۇشىن كونسۋلتاتيۆتىك-كەڭەسشى ورگان سانالاتىن ديرەكتورلار كەڭەسى, «ۇلاعات» پەداگوگتەر قاۋىمداستىعى قۇرىلعان. وقۋ-اعارتۋ مينيسترلىگى تاراپىنان ءبىلىم باسقارمالارى قىزمەتىنە جۇرگىزىلگەن كەشەندى مونيتورينگ ناتيجەسىندە وڭىر­دەگى وقۋ-ادىستەمەلىك ورتالىقتىڭ ءىس-تاجىريبەسى رەسپۋبلي­كا بويىنشا تاراتىلدى. بۇل ءوڭىر ۇستازدارىنىڭ شىعارما­شى­لىق الەۋەتى ارتا تۇسكەنىن اڭ­عار­تىپ وتىر. ءبىر سوزبەن ايت­قان­دا, وبلىستىڭ ءبىلىم سالاسىن وركەندەتۋ ءۇشىن بارلىق مۇم­كىندىك قاراستىرىلعان, – دەي­دى ءوڭىر باسشىسى نۇرجان نۇر­جىگىتوۆ.

وبلىستىق ءبىلىم باسقارما­سىنىڭ باسشىسى مەيىرحان ومىر­بەكتىڭ ايتۋىنشا, بىلتىرمەن سالىستىرعاندا وقۋشىلاردىڭ ۇبت-دا كورسەتكەن ناتي­جەسى بيىل ايتارلىقتاي جاق­سارعان. ما­سەلەن, وتكەن جىلى 100-دەن جوعارى ۇپاي جيناعان ءوڭىر وقۋ­شى­لارىنىڭ سانى 1 218 بولسا, بيىل 1 587 وقۋشىعا جەت­تى. سونداي-اق 305 تۇلەك «ال­تىن بەلگى» يەگەرى اتانسا, 852 تۇلەك مەكتەپتى ۇزدىك اتتەستات­پەن اياقتا­عان. قىسقاسى, وقۋشىلار­دىڭ ۇبت-داعى كورسەتكىشىنە قاراپ-اق ءبىلىم ساپاسىنىڭ جوعا­رى­لاي تۇسكەنىن اڭعارۋ قيىن ەمەس.

– وڭىردە ءبىلىم ساپاسىنىڭ جوعا­رى­لاۋى پەداگوگتىڭ كاسىبي بىلىكتىلىگىنە بايلانىستى ەكەنى ءسوزسىز. سول تۇرعى­دان الىپ قارا­عاندا, ۇستازدار ۇزدىكسىز ىزدەنىس ارقىلى عانا تولايىم تابىس­قا قول جەتكىزەتىنىنە كۇمان جوق. جۇمىسىنا جاۋاپ­كەر­شىلىكپەن قاراپ, كوڭىل كون­شىتەرلىك ناتيجە كورسە­تىپ جۇر­گەن ارىپتەستەرىمىز دە از ەمەس. ولار­­دىڭ جانكەشتى ەڭبەگى وزگەلەر­گە ۇلگى بولسا دەيمىز. بيىل اكادە­ميك اسقار جۇما­دىلداەۆ جانە IMPACT اشىق شىعارماشىلىق بايقاۋ­لارىندا ماتەماتيكا, فيزيكا جانە ينفورماتيكا پاندەرىنەن ساباق بەرە­تىن 25 پەداگوگ جەڭىمپاز اتانىپ, كو­مان­دالىق ەسەپتە رەسپۋبليكادا II ورىن­دى يەلەندى. بۇدان بولەك, رەس­پۋب­­ليكالىق ءتورت بايقاۋدا 14 ۇس­تاز جەڭىم­­پاز اتانسا, حالىقارالىق وليم­­پيادا مەن بايقاۋدا 9 ۇستاز جۇلدەلى ورىن­­عا يە بولدى. اتالعان جەتىس­تىكتەر وبلىس مۇعالىمدەرىنىڭ شىعار­ماشىلىق الەۋە­تىنىڭ جوعارى ەكەنىن ايقىنداپ تۇرسا كەرەك. ءبىلىم بەرۋ بالاباقشا تابال­دىرىعىنان باستالادى دەسەك, وبلىس­تا 573 مەكتەپكە دەيىنگى ءبىلىم بەرۋ ۇيى­مىندا 60 مىڭنان اسا بالا تاربيەلەنىپ جاتىر. مەكتەپكە دەيىنگى ۇيىمدارمەن قامتۋ ۇلەسىن ارتتىرۋ ماقساتىندا وتكەن جىلى 2 270 ورىندىق 20 جەكەمەنشىك بالاباقشا اشىلسا, بيىل جىل سوڭىنا دەيىن 1 937 ورىندىق 17 جەكەمەنشىك بالا­باقشا اشۋ كوزدەلىپ وتىر. بۇل باعىت­تاعى جۇمىس الداعى ۋاقىتتا دا جالعاسىن تابا بەرمەك. اتقارىلعان جۇمىس ناتيجەسىندە 3-6 جاستاعى بالالاردى قامتۋ ۇلەسى 100 پايىزدى, 2-6 جاس اراسىنداعى بالالاردى قامتۋ ۇلەسى 94,2 پايىزدى قۇرايدى, – دەيدى م.ومىربەك.

دەرەككە كوز جۇگىرتسەك, بۇگىندە وڭىر­دە 25 ءبىلىم نىسانىنىڭ قۇرىلىس جۇ­مىستارى جۇرگىزىلىپ جاتىر. جىل سوڭىنا دەيىن 9 ءبىلىم ورداسى مەن 5 مەك­تەپتىڭ جاپسارلاس قۇرىلىسى اياقتا­لىپ, پايدالانۋعا بەرىلمەك. سونداي-اق 11 نىساننىڭ قۇرىلىسى 2024 جىلى دا جالعاسادى. ن.نۇر­جىگىتوۆتىڭ ايتۋىنشا, الداعى ۋاقىتتا «جايلى مەكتەپ» ۇلتتىق جوباسى اياسىندا جۇزەگە اسىرىلاتىن جۇمىسقا باسىمدىق بەرىلەدى.

– ءبىلىم سالاسىنداعى ينفرا­قۇ­رى­لىمدى جەتىلدىرۋ ماقسا­تىندا ءتيىستى جۇمىس اتقارىلىپ جاتىر. وسى جىلى وڭىردە 25 ءبىلىم نىسا­نىنىڭ قۇرىلىسى جۇرگىزىلۋ ۇستىندە. «جايلى مەكتەپ» ۇلتتىق جو­باسى اياسىن­دا قولعا الىناتىن جۇمىس از ەمەس. ايتالىق, وڭىردە 12 مەكتەپتىڭ جە­تەۋىنىڭ قۇرىلىسى بيىل, قالعان بەسەۋىنىڭ قۇرىلىس جۇمىسى كەلەسى جىلى باستالادى. ءبىلىم سالاسىنا قاراستى توزىعى جەتكەن نىسانداردى جوندەۋ جۇمىستارى دا نازارىمىزدان تىس قالعان ەمەس. 4,4 ملرد تەڭگەگە 17 ءبىلىم بەرۋ نىسانىن كۇر­دەلى جوندەۋدەن وتكىزىپ جاتىرمىز, – دەپ ناقتىلادى وبلىس اكىمى.

ن.نۇرجىگىتوۆ كەلتىرگەن دەرەكتەرگە سەنسەك, ءوڭىر مەكتەپتەرىندە ينتەرنەت جىلدامدىعىن ارتتىرۋ ماقساتىندا دا اۋقىمدى جۇمىس جۇرگىزىلگەن. قىسقاسى, ينتەرنەت ساپاسىن جاقسارتۋ ماقساتىندا 61 ملن تەڭگە قاراجات قا­راس­تىرىلعان. بايلانىس وپەراتورلارىمەن بىرلەسىپ اتقارعان جۇمىستىڭ ناتي­جەسىندە 28 ءبىلىم وشاعىندا ينتەرنەت جىلدامدىعى جاقسارعان.

ءوڭىردىڭ ءبىلىم سالاسىنا اي­رىقشا نازار اۋدارىلىپ وتىر. سالاعا بولى­نەتىن قار­جى دا جىل وتكەن سايىن ارتىپ كەلەدى. ماسەلەن, وسى جىلى ءبىلىم سالاسىنا 284,8 ملرد تەڭگە قاراس­تى­رىلعان. بۇل ءوڭىر بيۋدجەتىنىڭ 50 پايى­زىنان جوعارى.

جامبىل وبلىسى