تەمىرتاۋلىق بالا باتىر

حابار قۇتقارۋشىلارعا 16:50-دە ءتۇسىپتى. جەدەل اتتانعان جاساق مەكەنجايعا جەتسە, ار­مان ماكسيموۆ بالانى جاعاعا شىعارىپ ۇلگەرىپتى.

– دوسىم ەكەۋمىز كانالدىڭ بويىمەن كەلە جاتقان ەدىك. مەن جانۇشىرعان داۋىستى ەستىدىم. ماعان ەكى بەيتانىس بالا جۇگىرىپ كەلىپ «جۇزە الاسىڭ با؟ انا جەردە ادام سۋعا باتىپ بارادى» دەپ كومەك سۇرادى. مەن بىردەن سۋعا سەكىردىم دە, ونى اياعىممەن جاعاعا يتەرىپ جىبەردىم. ءوزىم ارەڭ ءجۇزىپ شىقتىم. بويدا قورقىنىش بولمادى. بۇنداي كەزدە ءوز ءومىرىڭ تۋرالى ويلامايدى ەكەنسىڭ. بالانىڭ امان قالعانىنا قۋاندىم. ءوز-وزىمە تاڭعالعانىمدى دا جاسىرمايمىن. ءبارى قاس پەن كوزدىڭ اراسىندا بولدى. ويلانىپ, جاعدايدى باعامداي دا المادىم. بار ويىم بالانى قۇتقارىپ قالۋ ەدى, – دەيدى ارماننىڭ ءوزى.

بالانى جاعاعا الىپ شىعۋ­عا ارماننىڭ دوستارى دا كومەك­تەسكەن. قۇتقارىلعان بالانىڭ جاسى شامامەن 12–13-تە دەيدى جاس باتىر. ول ەسىن جيعان سوڭ زاتتارىن جيناپ الىپ, ساسقانىنان قاشىپ كەتكەن. كىم ەكەنىن انىقتاۋ مۇمكىن بولماپتى.

ارمان ەكى جىل بۇرىن ءجۇزۋدى ءوز بەتىنشە ۇيرەنىپتى. ول مەكتەپتە ەرلىگى ءۇشىن سالالىق ناگرادامەن ماراپاتتالۋى مۇمكىن. وبلىستىق توتەنشە جاعدايلار دەپارتامەنتى مينيسترلىككە حات جولداپتى.

قاراعاندى وبلىسى