• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
قارجى 08 تامىز, 2023

قازاقستاندا ورتاشا جالاقى مولشەرى قانشا؟

670 رەت
كورسەتىلدى

قازاقستاندا ورتاشا ايلىق جالاقى تۋرالى مالىمەتتەر جاڭارتىلدى, دەپ حابارلايدى Egemen.kz ۇلتتىق ستاتيستيكا بيۋروسىنىڭ دەرەكتەرىنە سىلتەمە جاساپ.

وسى كەزەڭدەگى اتاۋلى جالاقىنىڭ ورتاشا اريفمەتيكالىق ءمانى 365 502 تەڭگەنى قۇرايدى.

ەلدەگى ورتاشا جالاقى 2023 جىلدىڭ ەكىنشى توقسانىندا 240 779 تەڭگەنى قۇرادى.

«2022 جىلدىڭ سايكەس توقسانىمەن سالىستىرعاندا ءوسىم 17,1 پايىزدى قۇرادى (ينفلياتسيانى ەسەپكە الماعاندا), ناقتى ماندە (ينفلياتسيانى ەسەپكە العاندا) 1,2 پايىزعا ءوستى», دەپ اتاپ ءوتتى ۇلتتىق ستاتيستيكا بيۋروسى.

2022 جىلدىڭ ەكىنشى توقسانىمەن سالىستىرعاندا ورتاشا ايلىق جالاقىنىڭ ەڭ كوپ ءوسىمى كەلەسى سالالاردا تىركەلدى:

اقپارات جانە بايلانىس – 36 پايىز;

كولىك جانە قويما شارۋاشىلىعى – 24,6 پايىز;

اۋىل, ورمان جانە بالىق شارۋاشىلىعى – 23,7 پايىز;

كوتەرمە جانە بولشەك ساۋدا, اۆتوموبيلدەر مەن موتوتسيكلدەردى جوندەۋ – 21,8 پايىز;

ءبىلىم بەرۋ سالاسىندا ورتاشا جالاقىنىڭ ءوسۋى – 10,2 پايىز;

دەنساۋلىق ساقتاۋ جانە الەۋمەتتىك قىزمەتتەردە – 15,6 پايىز.

دەگەنمەن كەيبىر اۋدانداردا جالاقى دەڭگەيىنىڭ تومەندەۋى بايقالادى.

«وتكەن جىلدىڭ سايكەس توقسانىمەن سالىستىرعاندا ناقتى ماندە جالاقى قۇرىلىس سالاسىندا – 3,5 پايىزعا, تۇرۋ جانە تاماقتاندىرۋ قىزمەتتەرىندە – 2,6 پايىزعا, ءبىلىم بەرۋ سالاسىندا – 4,8 پايىزعا, دەنساۋلىق ساقتاۋ مەن الەۋمەتتىك سالادا 0,1 پايىزعا تومەندەگەن», دەپ حابارلادى ۇلتتىق ستاتيستيكا بيۋروسى.

سوڭعى جاڭالىقتار