2023 جىلعى 1 شiلدەدەگi جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14 762 شەتەل ازاماتى ەڭبەك ەتەدى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
شەتەل جۇمىس كۇشىن تارتۋعا رۇقساتتاردىڭ اراسىندا كەلەسى ساناتتار بار:
ءبىرىنشى سانات - باسشىلار مەن ولاردىڭ ورىنباسارلارى ءۇشىن 537 رۇقسات, ەكىنشى سانات - قۇرىلىمدىق بولىمشەلەردىڭ باسشىلارى ءۇشىن 2 751 رۇقسات. ءۇشىنشى سانات - ماماندار ءۇشىن 6 598 رۇقسات, ءتورتىنشى سانات - بىلىكتى جۇمىسشىلار 833 رۇقسات, ماۋسىمدىق جۇمىستارعا تارتىلعان جۇمىسشىلار - 1 940 رۇقسات, كورپوراتيۆتىك اۋىستىرۋ اياسىندا 2 103 ادام تارتىلدى.قازىرگى ۋاقىتتا قازاقستاندا شجك پايدالاناتىن 1 751 جۇمىس بەرۋشى بار. ولاردا 433,4 مىڭنان استام قازاقستان ازاماتى جۇمىس ىستەيدى, بۇل قىزمەتكەرلەردىڭ جالپى سانىنىڭ 96%-ى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 204 ادام (35%), اۋىل, ورمان جانە بالىق شارۋاشىلىعى – 1 895 ادام (13%), تاۋ – كەن ونەركاسىبى جانە كارەرلەردى قازۋ – 1 346 ادام (9%), وڭدەۋ ونەركاسىبى – 1 128 ادام (7%), كاسىبي, عىلىمي جانە تەحنيكالىق قىزمەت – 850 ادام (6%).
ەڭبەك ميگرانتتارى كەلەتىن نەگىزگى ەلدەر: قىتاي – 3 729 ادام (25%), وزبەكستان – 1 967 ادام (13%), ءۇندىستان – 1 461 ادام (10%), تۇركيا – 1 454 ادام (10%).