بوكستان 71 كەلى سالماق دارەجەسىندەگى الەم چەمپيونى اسلانبەك شىمبەرگەنوۆ ءوز مانسابىنا قاتىستى پىكىر ءبىلدىردى, دەپ حابارلايدى Egemen.kz.
«باياعىدا مۇحاممەد ءالي ءوز باپكەرىنەن: «بوكستى قاي كەزدە قويعانىم دۇرىس بولادى؟» دەپ سۇراپتى. سوندا كوپتى كورگەن كانىگى مامان: «ونى ساعان ارتىڭنان وكشەلەپ كەلە جاتقان جاستاردىڭ ءوزى-اق ۇعىندىرادى», دەپ جاۋاپ قايتارعان ەكەن. مەن دە سولاي ويلايمىن. ەگەر جالىنداپ تۇرعان جاستار مىقتىلىعىن مويىنداتسا, جول بەرۋگە ءازىرمىن. ولاي بولماعان جاعدايدا «ولىسپەي بەرىسپەيمىن». الدىمەن پاريج وليمپياداسىنا تىڭعىلىقتى دايارلانۋ كەرەك. سول جارىستا اتوي سالۋدى ماقسات تۇتىپ وتىرمىن. ال ودان كەيىنگىسىن ۋاقىتىندا كورە جاتارمىز», دەدى الەم چەمپيونى «Egemen Qazaqstan» گازەتىنە بەرگەن سۇحباتىندا.