تاشكەنتتە ءوتىپ جاتقان بوكستان الەم چەمپيوناتىندا قامشىبەك قوڭقاباەۆ جارىس ساپىنان شىعىپ قالعان ەدى. ءوزىنىڭ جەڭىلىسى تۋرالى قازاقستاندىق سپورتشى Instagram پاراقشاسىندا پىكىر ءبىلدىردى, دەپ حابارلايدى Egemen.kz.
«بىزگە ءاردايىم قولداۋ كورسەتىپ, تاقىمدارىڭىزدى قىسىپ ناعىز جانكۇيەر بولعاندارىڭىز ءۇشىن العىس ايتقىم كەلەدى. سپورت بولعان سوڭ جەڭىس پەن جەڭىلىس قاتار جۇرەدى. شارشى الاڭعا تەك جەڭىس ءۇشىن شايقاسۋعا كوتەرىلەمىز. قانداي ناتيجە بولسا دا سىزدەردىڭ قولداۋلارىڭىز ءبىز ءۇشىن ماڭىزدى. بۇيىرسا ءالى-اق سان مارتە كوك بايراقتى جەلبىرەتەتىنىمە سەنەمىن جانە سول جولدا ايانباي ەڭبەك ەتەمىز. جارتىلاي فينالعا جولداما العان باتىرلارىمىزعا جەڭىس تىلەيمىن. العا قازاقستان!», دەپ جازدى بوكسشى.
ايتا كەتەيىك, اسا اۋىر سالماقتا ەل نامىسىن قورعاعان وتاندىق بوكسشى شيرەك فينالدا وزبەكستاننىڭ اتاقتى بوكسشىسى باحودير دجالولوۆپەن جۇدىرىقتاسقان ەدى. تارتىستى وتكەن كەزدەسۋدە تورەشىلەردىڭ شەشىمىمەن وزبەك بىلعارى قولعاپ شەبەرى جەڭىسكە جەتتى.