الماتى وبلىسى اكىمىنىڭ ورىنباسارى قىزمەتىنەن بوساتىلدى

الماتى وبلىسى اكىمدىگىنىڭ حابارلاۋىنشا, ول قر پرەزيدەنتى اكىمشىلىگىندە ينسپەكتور بولىپ قىزمەت اتقاراتىن بولدى.

راۋان راقىمبەكوۆ 2022 جىلدىڭ 3 قازانىندا اكىمنىڭ ورىنباسارى بولىپ تاعايىندالعان ەدى.

راۋان راقىمبەكوۆ 1980 جىلى دۇنيەگە كەلگەن. 2001 جىلى ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن ەكولوگيا جانە تابيعاتتى پايدالانۋدى باسقارۋ ماماندىعى بويىنشا, 2008 جىلى وسى وقۋ ورنىندا «قارجى» ماماندىعىن يگەرگەن.

ەڭبەك جولىن 2002 جىلى «قاينار» اق مونوبلوكتى قۇيۋ تسەحىندا قويماشى بولىپ باستادى, كەيىن قۇيۋ تسەحىنىڭ شەبەرى بولىپ جۇمىس ىستەدى. وسى جىلدارى تالدىقورعان قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ جەتەكشى مامانى, تالدىقورعان قالاسى اكىمىنىڭ كەڭەسشىسى, تالدىقورعان قالاسى وتەناي اۋىلدىق وكرۋگىنىڭ اكىمى, قالا اكىمىنىڭ ورىنباسارى بولدى. تەكەلى قالاسىنىڭ, قاراتال جانە ەسكەلدى اۋداندارىنىڭ اكىمى بولىپ قىزمەت اتقاردى.

2021 جىلدىڭ ساۋىرىنەن باستاپ قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى بولدى.