ەلىمىزدە 2022 جىلعى 1 قىركۇيەككە دەيىن اكەلىنگەن كولىك قۇرالدارىن زاڭداستىرۋ ءۇشىن نەگىزگى ورىنداۋى ءتيىس شارتتاردىڭ ءبىرى – وسىنداي اۆتوكولىكتەردى كەدەندىك «تازارتۋدان وتكىزۋ». مەملەكەتتىك كىرىستەر كوميتەتى ەۋرازيالىق ەكونوميكالىق وداق ەلدەرىنەن اكەلىنگەن اۆتوكولىكتەردى «كەدەندىك تازارۋدان» وتكىزۋ قاجەت پە دەگەن سۇراققا جاۋاپ بەردى.
قازاقستان ازاماتتارى قىرعىز رەسپۋبليكاسىندا 2014 جىلعى 1 قاڭتارعا دەيىنگى جانە ارمەنيا رەسپۋبليكاسىندا 2014 جىلعى 10 قازانعا دەيىنگى كەدەندىك تازارتۋدان وتكەن اۆتوموبيلدەردى اكەلۋىنە بولادى. اتالعان اۆتوموبيلدەردى ەل اۋماعىنا قىرعىز رەسپۋبليكاسىنىڭ جانە ارمەنيا رەسپۋبليكاسىنىڭ اۋماعىندا تۇراقتى تۇراتىن ادامدار عانا اكەلە الادى.
ەۋرازيالىق ەكونوميكالىق وداقتىڭ (ەاەو) 2014 جىلعى 29 مامىرداعى شارتتىڭ ەرەجەسىنە سايكەس ارمەنيا رەسپۋبليكاسى (ار) مەن قىرعىزستان رەسپۋبليكاسى (قر) ءۇشىن وتپەلى كەزەڭ بەلگىلەنگەن. وسى كەزەڭ ىشىندە ىشىندە ار مەن قر ەلدەرىنە ءۇشىنشى ەلدەن اكەلىنگەن اۆتوكولىكتەرگە قاتىستى كەدەندىك باج, سالىق وسى ەلدەردىڭ زاڭناماسىنا سايكەس تولەنەدى. سونىمەن قاتار 2014 جىلعى 10 قازانىنان 2020 جىلعى 1 قاڭتارىنا دەيىن ارمەنيا رەسپۋبليكاسىندا جانە 2014 جىلعى 1 قاڭتارىنان 2020 جىلعى 1 قاڭتارىنا دەيىن قىرعىزستان رەسپۋبليكاسىندا كەدەندىك تازارتۋدان وتكەن اۆتوكولىكتەر ەاەو-نىڭ وزگە مۇشە مەملەكەتتەرىندە شەتەل تاۋارلارى بولىپ سانالادى جانە كەدەندىك باقىلاۋعا جاتقىزىلادى.
ەاەو سەق تن 8702, 8703, 8704 پوزيتسيالارىندا سىنىپتالاتىن تاۋارلار اۆتوموبيلدەرگە جانە جەڭىل اۆتوموبيلدەرگە جانە وزگە دە موتورلى كولىك قۇرالدارىنا قاتىستى ەۋرازيالىق ەكونوميكالىق وداقتىڭ بىرىڭعاي كەدەندىك تاريف بەلگىلەنگەن مولشەردى ارمەنيا رەسپۋبليكاسىندا ءۇش جىل وتكەننەن كەيىن قولدانادى (ياعني 2023 جىلدىڭ 1 قاڭتارىنان). سايكەسىنشە, ارمەنيادان اكەلىنگەن اۆتوكولىكتەر مەملەكەتتىك كىرىستەر ورگاندارىنىڭ قىزمەتكەرلەرى ارمەنيادا «كەدەندىك تازارتۋدان» وتكەنىن راستاعاننان كەيىن, 2023 جىلى لەگاليزاتسيالانۋىنا بولادى.
ەاەو سەق تن 8702, 8703, 8704 پوزيتسيالارىندا سىنىپتالاتىن تاۋارلار اۆتوموبيلدەرگە جانە جەڭىل اۆتوموبيلدەرگە جانە وزگە دە موتورلى كولىك قۇرالدارىنا قاتىستى ەۋرازيالىق ەكونوميكالىق وداقتىڭ بىرىڭعاي كەدەندىك تاريفتە بەلگىلەنگەن مولشەرىنىڭ قىرعىز رەسپۋبليكاسىندا قولدانعانىنا 5 جىل وتكەن سوڭ (ياعني 2025 جىلدىڭ 1 قاڭتارىنان) جانە كەدەندىك باجدار مەن سالىقتار سومالار ايىرماسى مولشەرىندە كەدەندىك باجدار مەن سالىقتاردى تولەگەننەن كەيىن.
بۇل رەتتە, اۆتوكولىكتەردى رەسەي فەرەراتسياسى مەن بەلارۋس رەسپۋبليكاسىنان ەلىمىزگە كەدەنگە قاتىستى شەكتەۋلەرسىز اكەلۋگە بولادى.