تاۋەلسىز جۋرناليست ەربول ماندىبەك الەۋمەتتىك جەلى پاراقشاسىندا ۆيدەو ۇندەۋ جاريالاپ, ءوزىنىڭ قاۋىپسىزدىگىن قامتاماسىز ەتۋدى سۇرادى. ونىڭ ايتۋىنشا, سوڭعى كۇندەرى ارتىنان بىرەۋلەردىڭ اڭدىپ جۇرگەنىن بايقاعان, دەپ حابارلايدى Egemen.kz.
«بۇگىن الەۋمەتتىك جەلىدە جۋرناليست ەربول ماندىبەكتىڭ ۆيدەو ۇندەۋى جاريالانعانىنان حاباردارمىز. قازىرگى ۋاقىتتا ىشكى ىستەر مينيسترلىگى ءوتىنىشتىڭ ءمان-جايى مەن سەبەپتەرىن انىقتاپ جاتىر.
اقپارات جانە قوعامدىق دامۋ مينيسترلىگى جاعدايدى قاداعالاپ, قۇقىق قورعاۋ ورگاندارىمەن تۇراقتى بايلانىس جاساپ وتىر. ارىپتەسكە قانداي دا ءبىر قۇقىقتىق كومەك كورسەتۋگە ءازىرمىز», دەپ جازدى مينيستر Facebook پاراقشاسىندا.