سەناتتىڭ الەۋمەتتىك-مادەني دامۋ جانە عىلىم كوميتەتىنىڭ دەپۋتاتتارى ەڭبەك رەسۋرستارىن دامىتۋ ورتالىعىنا باردى, دەپ حابارلايدى Egemen.kz.
سەناتورلار ساپار بارىسىندا ورتالىقتىڭ جۇمىسىمەن, سونداي-اق جۇمىسقا ورنالاستىرۋ سالاسىنداعى تسيفرلىق ەڭبەك دەلدالى مەن قىزمەتتەر كورسەتۋدىڭ ونلاين-پلاتفورماسىمەن تانىستى. دەپۋتاتتار داعدىلارعا ونلاين وقىتۋ, كاسىپكەرلىك باستاماسىن قولداۋ جانە ونلاين-جۇمىسقا ورنالاستىرۋ پروتسەسىن ۇيىمداستىرۋ ماسەلەلەرىنە قاتىستى بىرقاتار ماسەلەلەردى ساراپشىلارمەن بىرگە تالقىلادى.
ورتالىق وكىلدەرى كەزدەسەتىن پروبلەمالار تۋرالى سەناتورلارعا ايتىپ بەردى, سونداي-اق ولاردىڭ شەشىمدەرى بويىنشا ءوز ويلارىمەن ءبولىستى. دەپۋتاتتارعا سونداي-اق Qlik Sense, «وتباسىنىڭ تسيفرلىق كارتاسى», «ەلەكتروندىق ەڭبەك بيرجاسى», Enbek.kz, Business.Enbek جانە باسقا دا پلاتفورمالاردىڭ جۇمىسى دا تانىستىرىلدى.
ايتا كەتسەك, بۇل كەزدەسۋ سەناتتا «مەكتەپكە دەيىنگى ءبىلىم بەرۋدىڭ قولجەتىمدىلىگىن ارتتىرۋ, ساپالى ورتا ءبىلىم بەرۋدى قامتاماسىز ەتۋ, جوعارى جانە كاسىپتىك-تەحنيكالىق ءبىلىم بەرۋدىڭ دامۋ ۇردىستەرى» تاقىرىبى بويىنشا وتەتىن دوڭگەلەك ۇستەلگە دايىندىق اياسىندا بولدى. سەناتورلار وسى ساپاردىڭ قورىتىندىسى جوسپارلانعان دوڭگەلەك ۇستەل بارىسىندا عانا ەمەس, سەنات دەپۋتاتتارىنىڭ زاڭ شىعارۋ قىزمەتىندە دە كەڭىنەن تالقىلاناتىنىن اتاپ ءوتتى.