قازاقستان رەسپۋبليكاسى پارلامەنتى سەناتىنىڭ دەپۋتاتى نۇرلان بەكەنوۆ تۇركى مەملەكەتتەرى پارلامەنتتىك اسسامبلەياسىنىڭ ەكونوميكالىق ىنتىماقتاستىق جونىندەگى كوميسسياسىنىڭ 10-شى وتىرىسىنا قاتىستى, دەپ حابارلايدى Egemen.kz.
«تۇركپا مۇشە ەلدەرىندەگى ساۋدا-ەكونوميكالىق الەۋەتىنىڭ ينتەگراتسياسى: جاڭا جاعدايداعى كولىكتىك قاڭقانىڭ بولاشاعى» – وتىرىستىڭ تاقىرىبى بولدى. سەناتور باسقا ەلدەردىڭ پارلامەنتشىلەرىمەن بىرلەسىپ «تسيفرلىق قارجى اكتيۆتەرى تۋرالى» ۇلگى زاڭ جوباسىن تالقىلادى.
كەزدەسۋگە قاتىسۋشىلار «ساۋدا وكىلدىكتەرى تۋرالى» جانە «اينالىمعا شىعارىلاتىن ءونىمنىڭ قاۋىپسىزدىگى مەن ساپاسىنىڭ نەگىزدەرى تۋرالى» ۇلگى زاڭداردى ازىرلەۋگە كىرىستى.
جيىن سوڭىندا «تۇركپا-عا مۇشە مەملەكەتتەردىڭ ساۋدا وكىلدىكتەرى: ۇلتتىق ەكونوميكانى نىعايتۋ جانە بىرلەسكەن ەكونوميكالىق ىنتىماقتاستىققا ۇلەس قوسۋ» تاقىرىبى بويىنشا كوميسسيانىڭ كەلەسى 11-ءشى وتىرىسىنىڭ وتەتىن كۇنى مەن ورنى انىقتالدى.