پرەزيدەنت ەل ەكونوميكاسىن ىلگەرلەتۋدە ءىرى كاسىپكەرلەردىڭ ۇلكەن ۇلەس قوساتىنىن اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى ءىرى كاسىپكەرلەردى ەلدەگى الەۋمەتتىك ماسەلەلەرگە بەي-جاي قاراماي, بىرگە اتسالىسۋعا شاقىردى.
«مەملەكەتتىڭ قولداۋىنا يە بولىپ وتىرعان ءىرى بيزنەس وكىلدەرى ايرىقشا ءرول اتقارادى. «تابىستى وسى جەردەن تاۋىپ, شەتەلدە شاشۋ» ادەتىنەن ارىلۋ كەرەك. ەسەسىنە, ەلدەگى الەۋمەتتىك ماسەلەلەردى شەشۋگە كوبىرەك ۇلەس قوسۋعا ۇمتىلعان ءجون», دەدى قاسىم-جومارت كەمەل ۇلى.
سونداي-اق كاسىپكەرلەر تاپقان تابىسىن ەل ەكونوميكاسىنا سالۋى قاجەتتىگىن اتاپ ءوتتى.
ء«ىرى كاسىپكەرلەر قازاقستاندا تاپقان تابىسىن باسقا جاقتا ەمەس, ءوز ەلىمىزدەگى بيزنەسىن دامىتۋعا جۇمساعانى ابزال. جۇمىسىن وسى تالاپقا بەيىمدەي العان ءىرى كاسىپكەرلەر ناعىز ۇلتتىق بيزنەس-ەليتاعا اينالادى. حالىقتىڭ قۇرمەتىنە بولەنىپ, مەملەكەتتىڭ قورعاۋى مەن قولداۋىنا يە بولادى.
سونىمەن قاتار بىزگە «كاسىپكەرلەردىڭ جاڭا تولقىنى» كەرەك. مەملەكەتتىڭ رەسۋرسىنا ارقا سۇيەمەي, بويىنداعى دارىنى مەن ىسكەرلىگى ارقىلى تۇراقتى ءارى مىقتى كاسىپ قۇرا بىلگەن «تىڭ كۇشتەر» قاجەت», دەدى پرەزيدەنت.