ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2023 جىلعى 1 ناۋرىزداعى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 13 403 شەتەل ازاماتى ەڭبەك ەتەدى, دەپ حابارلايدى Egemen.kz.
شەتەل جۇمىس كۇشىن تارتۋعا رۇقساتتاردىڭ اراسىندا كەلەسى ساناتتار بار: باسشىلار مەن ولاردىڭ ورىنباسارلارى ءۇشىن 565 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن 2 966 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 7 199 جانە 883 ادام. سونداي-اق ماۋسىمدىق جۇمىستارعا 391 ادام, ال كورپوراتيۆتىك اۋىستىرۋ اياسىندا 1 399 ادام تارتىلدى.
قازىرگى ۋاقىتتا قازاقستاندا شجك پايدالاناتىن 1 640 جۇمىس بەرۋشى بار. ولاردا 409 مىڭنان استام قازاقستان ازاماتى جۇمىس ىستەيدى, بۇل قىزمەتكەرلەردىڭ جالپى سانىنىڭ 96 پايىزى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 494 ادام (41 پايىز); تاۋ – كەن ونەركاسىبى جانە كارەرلەردى قازۋ – 1 455 ادام (11 پايىز); كاسىبي, عىلىمي جانە تەحنيكالىق قىزمەت – 995 ادام (8 پايىز ); وڭدەۋ ونەركاسىبى – 889 ادام (7 پايىز); اۋىل, ورمان جانە بالىق شارۋاشىلىعى – 641 ادام (5 پايىز).
ەڭبەك ميگرانتتارى كەلەتىن نەگىزگى ەلدەر: قىتاي – 3 411 ادام, ءۇندىستان – 1 685 ادام, تۇركيا – 1 523 ادام, ۇلىبريتانيا – 1 073 ادام, وزبەكستان – 769 ادام.
ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بولەدى. بيىل شجك تارتۋعا ارنالعان كۆوتا 22 226 بىرلىك (0,24 پايىز) بولىپ بەلگىلەندى.