قازاقستاندىق فايتەر قۋات حاميتوۆ (25-7-2) Mergen FC 4 تۋرنيرىندە جەكپە-جەك وتكىزدى, دەپ حابارلايدى Egemen.kz Vesti.kz-كە سىلتەمە جاساپ.
ونىڭ قارسىلاسى وزبەكستاندىق بوبۋر ابدۋلازيزوۆ (12-9) بولدى. قۋات ءبىرىنشى راۋندتان باستاپ باسىمدىعىن بايقاتتى. ال وزبەكستاندىق كوبىنە قورعانۋمەن ءجۇردى.
ەكىنشى راۋندتىڭ سوڭىنا قاراي حاميتوۆ قارسىلاسىن تۇنشىقتىرۋ ادىسىمەن جەڭدى.
ايتا كەتەيىك, اۋەلدە قۋات اكوپ ستەپانيانمەن (27-12) ايقاسۋ كەرەك بولعان. الايدا رەسەيلىك سپورتشى قارىزىنا بايلانىستى اۋەجايداعى تەكسەرىستەن وتە الماي, قالىپ قويعان.