استانادا كوركەم گيمناستيكا ورتالىعىنىڭ اشىلۋ ءراسىمى ءوتىپ, رەسمي تۇردە پايدالانۋعا بەرىلدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
سۋ جاڭا ورتالىقتىڭ اۋماعى 1000 شارشى مەتردەن اسسا, بيىكتىگى 14 مەترگە جۋىق. ەندى كوركەم گيمناستيكا تالاپتارىنا تولىقتاي ساي كەشەندە گيمناستشىلار جاتتىعۋلارىن وتكىزىپ, شەبەرلىكتەرىن شىڭدايدى.
وسىعان دەيىن قالادا ءتيىستى تالاپتارعا ساي كەلەتىن عيمارات بولماعان. بۇل ماسەلەنى شەشۋ ءۇشىن تاۋەلسىزدىك سارايىنان ۋاقىتشا ورىن بەرىلگەن. ەندى كوركەم گيمناستيكا تالاپتارىنا ساي كەلەتىن جاڭا ورتالىقتا ەمىن-ەركىن دايىندالۋعا بولادى.
جاس سپورتشىلار وسىعان دەيىن جاتتىققان تاۋەلسىزدىك سارايىندا جوندەۋ جۇرگىزىلىپ, بالالار جارىستارعا دايىندىقتى ءارتۇرلى جەردە وتكىزۋگە ءماجبۇر بولعان ەدى. ەندى استاناداعى بالالار مەن جاسوسپىرىمدەر وسى ورىندا الاڭسىز دايىندالا الادى.
ورتالىقتىڭ اشىلۋ سالتاناتىنا استانا قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ, №1 بالالار مەن جاسوسپىرىمدەردىڭ ماماندىرىلعان وليمپيادالىق رەزەرۆ سپورت مەكتەبىننىڭ ديرەكتورى سايرانبەك ابىلقايىر قاتىستى.
قالالىق سپورت باسقارماسىنىڭ باسشىسى سامات ءسابيت ۇلى ءوز سوزىندە مەكتەپ ۇجىمىن جانە جاتتىقتىرۋشىلاردى جاڭا عيماراتتىڭ اشىلۋىمەن قۇتتىقتادى.
ايتا كەتەيىك, بۇل ورتالىقتىڭ عيماراتى جالعا الىنعان.