پرەزيدەنت «PetrolValves Kazakhstan» كومپانياسىنىڭ جۇمىسىمەن تانىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«PetrolValves Kazakhstan» - قازاقستاندا جوعارى تەحنولوگيالىق كلاپاندار وندىرەتىن جانە سەرۆيستىك قىزمەت كورسەتەتىن جالعىز ءوندىرىس ورنى.
كاسىپورىن جىلىنا 500 كلاپان ءوندىرۋدى جوسپارلاپ وتىر. سونداي-اق اتالعان ورتالىق يتاليالىق سەرىكتەستىڭ پاتەنتتەلگەن Valve New Life باعدارلاماسىنا سايكەس, جەرگىلىكتى مۇناي-گاز كاسىپورىندارىنا وندىرىستىك پروتسەستەن قول ۇزبەي سەرۆيستىك قىزمەت كورسەتەدى.
الداعى ۋاقىتتا كاسىپورىن امەريكالىق مۇناي ينستيتۋتىنىڭ API 6D سەرتيفيكاتىن الۋدى جانە كەيبىر كومپونەنتتەردى وزىمىزدە ءوندىرۋدى, وسىلايشا ءونىمنىڭ جەرگىلىكتى قۇرامىن 2024 جىلعا دەيىن 75 پايىزعا دەيىن جەتكىزۋدى جوسپارلاپ وتىر.
جوبا «IMB تسەنتر» حالىقارالىق مۇناي-گاز سالاسىنداعى ماشينا قۇراستىرۋدى دامىتۋ ورتالىعىنىڭ قولداۋىمەن جۇزەگە اسىرىلىپ وتىر. جوباعا 3 ميلليارد تەڭگە ينۆەستيتسيا قۇيىلعان. قازىرگى تاڭدا كاسىپورىندا 43 ادام جۇمىس ىستەيدى. ونىڭ 37-ءسى – جەرگىلىكتى تۇرعىندار.