25 اقپاندا پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە ىشكى نارىق ءۇشىن تاۋارلىق گاز ءوندىرىسىن ۇلعايتۋ جونىندەگى جوسپارلار قارالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
قاتىسۋشىلار قاشاعان كەن ورنىندا جاڭا جوبالاردى ىسكە اسىرۋ, اتاپ ايتقاندا قۋاتى 1 ملرد م3 گاز وڭدەۋ زاۋىتىن سالۋ ماسەلەلەرىن تالقىلادى. قازىرگى ۋاقىتتا ول جەردە قۇرىلىس-مونتاجداۋ جۇمىستارى بەلسەندى تۇردە جۇرگىزىلۋدە, قاجەتتى جابدىقتارمەن قامتاماسىز ەتىلىپ وتىر. كاسىپورىن 2025 جىلى ىسكە قوسىلادى.
وعان قوسا كەن ورنىندا مۇناي ءوندىرۋ كولەمىن ۇلعايتۋ اياسىندا قۋاتى 4 ملرد م3 بولاتىن تاعى ءبىر ءىرى گاز زاۋىتىنىڭ قۇرىلىسى پىسىقتالىپ جاتىر. جوبانى ەكى كەزەڭدە, ياعني 2 ملرد م3-دەن ەكى جەلى بويىنشا ىسكە اسىرۋ جوسپارلانعان.
پرەمەر-مينيستر دايىندىق جۇمىستارىن جەدەلدەتىپ, جاقىن ارادا جاڭا گاز زاۋىتى بويىنشا جول كارتاسىنا قول قويۋ قاجەتتىگىن اتاپ ءوتتى.
سونىمەن قاتار كەڭەستە گاز ءترانزيتى مەن يمپورتىنىڭ كەيبىر ماسەلەلەرى قارالدى.