بيىل سولتۇستىك قازاقستان وبلىسىندا جول جوندەۋگە 19,7 ملرد تەڭگە ءبولىندى. بۇل تۋرالى قوعامدىق كەڭەس وتىرىسىندا جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسات باياحمەت ايتتى, دەپ حابارلايدى Egemen.kz.
م.باياحمەتتىڭ ايتۋىنشا, 2,9 ميلليارد تەڭگە وبلىستىق ماڭىزى بار جولدارعا, ءۇش ميلليارد تەڭگە اۋداندىق ماڭىزى بار جولدارعا جانە 1,4 ميلليارد تەڭگە جول جەلىسىنە جۇمسالادى.
«بارلىق جۇمىس ءتۇرى 540 شاقىرىمدى, ونىڭ ىشىندە 26 ەلدى مەكەندەگى 60 شاقىرىم ەلدى مەكەندەگى جولدى قامتيدى. جىل قورىتىندىسى بويىنشا ستاندارتتى جاعدايداعى جولداردىڭ ۇلەسىن 84 پايىزعا جەتكىزۋ جوسپارلاندى, بۇل وتكەن جىلمەن سالىستىرعاندا 6 پايىزعا جوعارى. رەسەيدەن 100 مىڭ توننا بيتۋم اكەلۋگە رۇقسات ەتىلگەن. باسقارما وتپەلى جوبالار ءۇشىن 17,4 مىڭ توننا بيتۋم ساتىپ الۋدى جوسپارلاپ وتىر», دەدى ول.
بولىنگەن 19,7 ميلليارد تەڭگەنىڭ 5,9 ميللياردىنا مەملەكەتتىك ساتىپ الۋلار ءالى جۇرگىزىلگەن جوق.