وليمپياداعا دايىندىق بارىسى

جيىن بارىسىندا تاراپتار كەلەسى جىلدىڭ 26 شىلدەسى مەن 11 تامىزى ارالىعىندا فرانتسيانىڭ باس شاھارى – پاريجدە وتەتىن XXXIII جازعى وليمپيا ويىندارىنا قازاقستان سپورتشىلارىنىڭ قاتىسۋىن تالقىلادى. كۇن تار­تىبىندە ۇيىمداستىرۋشىلىق سات­تەر, ونىڭ ىشىندە قازاقستان دەلەگاتسيالارىن جانە سپورتشىلار­دى ورنالاستىرۋ, ولاردى كولىكپەن قامتاماسىز ەتۋ, سونداي-اق سپورت­شىلاردىڭ جاتتىعۋ جيىندارىن وت­كىزەتىن ورىندارىن ناقتىلاۋ جانە تاعى باسقا ماسەلەلەر ءسوز بولدى.

«پاريجدەگى وليمپيا ويىندارى بۇعان دەيىنگى دودالارعا قارا­عاندا ەرەكشە جاعدايدا وتپەك. سوندىقتان كەلەسى جىلى ءبىزدى وتە قىزىقتى وليمپيادا كۇتىپ تۇر دەپ نىق سەنىممەن ايتا الامىن. ونىڭ ىشىندە سەنا وزەنىنىڭ جاعالاۋىنداعى جارىستىڭ رەسمي اشىلۋ سالتاناتى دا قىزىق وقيعالارعا تولى بولماق. پاريج­دەگى تورتجىلدىقتىڭ باستى دوداسى توكيو مەن بەيجىڭدە وتكەن جازعى جانە قىسقى وليمپيادالار كەزىندە ءبارىمىز تاپ بولعان قيىن­دىق­تارعا قاراماستان, بىر­قا­تار جاڭاشىلدىق ەنگىزىپ وتىر. ويىنداردى جوعارى دەڭ­گەيدە ۇيىمداستىرۋعا بار كۇش-جى­گەرىن سالىپ جاتقان 1 200-دەن اسا ادامنان تۇراتىن كو­مان­دا­نىڭ ۇيلەسىمدى جۇمىسى ءۇشىن بۇ­كىل ۇيىمداستىرۋ كومي­تەتىنە العىسىمدى بىلدىرەمىن», دەدى قازاقستان ۇوك باس حاتشىسى اندرەي كريۋكوۆ.

سونداي-اق پاريج وليمپيا­داسىنىڭ ۇيىمداستىرۋ كومي­تەتىنىڭ باسشىسى توني ەس­تانگە قازاقستان ۇوك-نىڭ ۇيىمداس­تىرۋ كوميتەتىمەن ءوزارا ءىس-قي­مىلىن جوعارى باعالاپ, ىن­تى­ماقتاستىق ءۇشىن العىسىن ءبىل­دىردى.

ايتا كەتەيىك, 2024 جىلعى جازعى وليمپيادا جانە پار­اليم­پيادانىڭ ۇيىمداستىرۋ كومي­تەتى (Paris 2024) – حالىق­ارالىق وليم­پيادا كوميتەتى (حوك), ۇلتتىق وليمپيادا جانە سپورت كوميتەتى قول قويعان تورت­جىلدىقتىڭ باس­تى دوداسىن ۇيىمداستىرۋشى قالا تۋرالى شارتقا سايكەس 2024 جىلعى پاريجدەگى وليمپيادا جانە پار­­اليمپيادانى جوسپارلاۋعا, ۇيىمداستىرۋعا, قارجىلاندىرۋعا جانە وتكىزۋگە جاۋاپتى رەسمي ورگان سانالادى.

سونداي-اق حالىقارالىق وليمپيادا كوميتەتى ءوزىنىڭ رەسمي سايتىندا 2024 جىلى كورەيانىڭ كانۆوندو قالاسىندا جالاۋى جەلبىرەيتىن جاسوسپىرىمدەر ارا­سىنداعى قىسقى وليمپياداعا ار­نالعان ۇزدىك مەدال ديزاينى بايقاۋىنىڭ باستالعانىن جاريا­لادى.

الەمنىڭ تۇكپىر-تۇكپىرىندەگى شىعارماشىلىق اقىل-وي يەلەرى مەن كرەاتيۆ شەبەرلەرىنە وليم­پيادا تاريحىنىڭ ءبىر بو­لىگىنە اينالۋعا زور مۇمكىندىك تۋىپ تۇر. ويت­كەنى ءار ءتورت جىلدا ءبىر رەت ۇيىم­داستىرىلاتىن جاس­­وس­پىرىم­دەر وليمپياداسى مە­دالىنىڭ ۇزدىك دي­زاينىنا ار­نالعان بايقاۋ قايتا باستالدى.

ۇيىمداستىرۋشىلار باي­قاۋعا قاتىسۋعا ديزاينەرلىك تاجىري­بەسىنىڭ دەڭگەيىنە جانە جاس شەك­تەۋىنە قاراماستان, الەمنىڭ تۇكپىر-تۇكپىرىندەگى كەز كەلگەن اۆتورعا ءوز تۋىندىسىن ۇسىنۋعا مۇمكىندىك بەرىپ وتىر. ولار جۇمىستارىن 2023 جىلدىڭ 8 ناۋرىزىنا دەيىن كونكۋرستىڭ ارنايى ۆەب-سايتى ارقىلى جىبەرە الدى. ال جەڭىمپاز ديزاين ناۋرىز ايىنىڭ سوڭىندا تاڭدالادى.

حالىقارالىق وليمپيادا كو­ميتەتىنە مۇشە جاس رەپورتەرلەر, 2024 جىلعى ويىنداردىڭ وكىلدەرى, حوك-ءتىڭ جاس كوشباسشىلارى جانە وليمپيادالىق سۋرەتشى­لەر باعدارلاماسىنىڭ قاتىسۋشى­لارىنان تۇراتىن قازىلار القاسى ۇزدىك ءۇش ديزايندى داۋىس بەرۋ ارقىلى تاڭداپ الادى.

ەڭ ۇزدىك دەپ تانىلعان جۇمىس­تىڭ يەسىنە ۇيىمداستىرۋشىلار تاراپىنان 2024 جىلعى جاس­وسپىرىمدەر وليمپياداسىن تاماشالاۋ ءۇشىن ەكى ادامعا كورەياعا بيلەت (بارۋى مەن قايتۋىنا), جارىستىڭ اشىلۋ سالتاناتى مەن سپورتتىق ءىس-شارالارىنا قا­تىسۋعا مۇمكىندىك بەرىلەدى. ال ەكىن­شى جانە ءۇشىنشى ورىن العان جۇمىستارعا ارنايى سىيلىقتار تاپسىرىلادى.

ايتا كەتەيىك, قىسقى جاس­وسپى­رىمدەر وليمپياداسى 2024 جىلدىڭ 19 قاڭتار مەن 1 اقپان ارالىعىندا كورەيادا وتەدى.