ەلوردادا وسا تراۆماتيكالىق تاپانشاسى مەن رگد-5 گراناتاسىمەن قارۋلانعان قاراعاندى تۇرعىنى ۇستالدى, دەپ حابارلايدى Egemen.kz.
استانا قالالىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جۇرگىزگەن جەدەل ءىس-شارالار بارىسىندا قارۋ-جاراق پەن جارىلعىش زاتتاردى زاڭسىز ساقتاۋ فاكتىسىن انىقتادى.
تۇندە ابىلايحان مەن جانسۇگىروۆ كوشەلەرىنىڭ قيىلىسىندا «لادا پريورا» كولىگى توقتاتىلدى. كولىكتەگى 22 جاستاعى جولاۋشىنى جەكە ءتىنتۋ كەزىندە ونىڭ كۇرتەسىنىڭ وڭ قالتاسىنان OسA تاپانشاسى, سول جاعىنان رگد-5 گراناتاسى تابىلدى. پوليتسيا قىزمەتكەرى گراناتانى جارىلعىش زاتتاردى ساقتاۋعا ارنالعان كولباعا سالدى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 287-بابى «قارۋدى, وق-دارىلەردى, جارىلعىش زاتتاردى جانە جارىلعىش قۇرىلعىلاردى زاڭسىز الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەۋ امالدارى باستالدى.
قاراعاندى قالاسىنىڭ تۇرعىنى ۋاقىتشا ۇستاۋ يزولياتورىنا قامالدى.