تۇركىستان وبلىسى پد ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى جۇمىس ورنىندا اتىس قارۋلارى, وق-دارىلەر, جارىلعىش زاتتار ساقتاعان تۇرعىندى انىقتادى, دەپ حابارلايدى Egemen.kz Polisia.kz-كە سىلتەمە جاساپ.
– ناقتىراق ايتسام, پوليتسەيلەرمەن جۇيەلى جۇرگىزىلگەن ىزدەستىرۋ ناتيجەسىندە كۇدىكتى رەتىندە كەنتاۋ قالاسىنداعى كولىك جوندەۋ ورنىندا جۇمىس ىستەيتىن جەرگىلىكتى تۇرعىن انىقتالدى. ەر ادامنان ليدەر تت تراۆماتيكالىق تاپانشاسى مەن بەس پاترون تابىلدى. ءارى قاراي ءتىنتۋ شارالارى ونىڭ جۇمىس ورنىندا, ياعني كولىك جوندەۋ ورتالىعىندا جۇرگىزىلدى. جەدەل ۋاكىلدەر 12 كاليبرلى تەگىس ۇڭعىلى ەكى اڭشى مىلتىعىن, ارقايسىسىنىڭ سالماعى 0,5 كەلى بولاتىن 3 پاكەت ءتۇتىندى ۇنتاق, بايكال-كۇزەتشى تراۆماتيكالىق تاپانشاسى, ءبىر گراناتا, 35 وق-ءدارى مەن ءبىر جارىلىس كەزىندە قولدانىلاتىن قوراپشا تاركىلەندى. وسىلايشا, جەدەل ۋاكىلدەر قارۋمەن جاسالاتىن قىلمىستارعا توسقاۋىل قويۋ, زاڭسىز قارۋ-جاراق ساقتاۋ دەرەگىنىڭ جولىن كەسۋدە كاسىبي شەبەرلىكتەرىن كورسەتتى. قازىرگى ۋاقىتتا قر قك-ءنىڭ 287-بابى 3-بولىگى (قارۋدى, وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا سوتقا دەيىنگى تەرگەۋ امالدارى جۇرگىزىلىپ جاتىر, – دەپ اتاپ ءوتتى تۇركىستان وبلىسى پد باستىعىنىڭ ورىنباسارى قۇرمانبەك ساحوۆ.
سوت-كريميناليستيكالىق جانە بالليستيكالىق ساراپتاما تاعايىندالدى. كۇدىكتى قاماۋعا الىنعان. ءتارتىپ ساقشىلارى كەنتاۋلىق تۇرعىننىڭ وسىنشاما قارۋ-جاراقتى نە ماقساتپەن ساقتاپ جۇرگەنىن انىقتاپ جاتىر.