سولتۇستىك قازاقستان وبلىسىنان قر پارلامەنتى سەناتى دەپۋتاتتارىن سايلاۋ بويىنشا داۋىس بەرۋدىڭ الدىن الا قورىتىندىسى جاريالاندى, دەپ حابارلايدى Egemen.kz.
سولتۇستىك قازاقستان وبلىسى بويىنشا ۇمىتكەر رەتىندە تىركەلگەن گۇلميرا كارىموۆاعا 144 ادام داۋىس بەرگەن.
گۇلميرا كارىموۆا 1998 جىلى سولتۇستىك قازاقستان مەملەكەتتىك ۋنيۆەرسيتەتىن «باستاۋىش سىنىپ مۇعالىمى» ماماندىعى بويىنشا تامامداعان. 2008 جىلى كوكشەتاۋ ۋنيۆەرسيتەتىندە قارجى باكالاۆرىنىڭ ديپلومىن الدى.
ەڭبەك جولىن 1998 جىلى پەتروپاۆل قالالىق كلاسسيكالىق گيمنازياسىندا باستاۋىش سىنىپ مۇعالىمى بولىپ باستادى. ءتۇرلى جىلدارى قالا مەكتەپتەرىندە باستاۋىش سىنىپ مۇعالىمى بولىپ جۇمىس ىستەدى. 2010-2013 جىلدارى №17 ۇلتتىق وركەندەۋ ورتا مەكتەپ-كەشەنىنىڭ ديرەكتورى بولعان. 2013 جىلدان 2017 جىلعا دەيىن قالالىق ءبىلىم ءبولىمىنىڭ باسشىسى بولىپ جۇمىس ىستەگەن.
2021 جىلدىڭ قىركۇيەگىنەن باستاپ قازاقستان رەسپۋبليكاسى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ توراعاسى بولىپ قىزمەت ەتىپ كەلەدى.