مەكسيكا استاناسى مەحيكو قالاسىنىڭ سولتۇستىگىندە پويىزداردىڭ سوقتىعىسۋى سالدارىنان ءبىر ادام قازا تاۋىپ, 57 ادام جاراقات الدى, دەپ حابارلايدى Egemen.kz.
جەرگىلىكتى باق-تىڭ حابارلاۋىنشا, وقيعا پوترەرو جانە لا رازا ستانتسيالارى اراسىنداعى ءۇشىنشى مەترو جەلىسىندە بولعان. وقيعا ورنىنا ءورت سوندىرۋشىلەر مەن جەدەل جاردەم قىزمەتكەرلەرى جەدەل جەتكەن.
مەحيكو قالاسىنىڭ قاۋىپسىزدىك ءمينيسترى ومار گارسيا الەۋمەتتىك جەلىدە ىزدەستىرۋ-قۇتقارۋ جۇمىستارى جالعاسىپ جاتقانىن جانە زارداپ شەككەندەرگە قاتىستى اقپارات جاڭارتىلاتىنىن جازدى.
اپاتقا بايلانىستى مەترو جەلىلەرىندە قوزعالىس توقتاتىلدى, مەكسيكا استاناسىنىڭ پروكۋراتۋراسى قايعىلى وقيعاعا قاتىستى تەرگەۋدى باستادى.
ايتا كەتەيىك, 2021 جىلدىڭ مامىر ايىندا دا مەكسيكادا تەمىرجولداعى اپاتتىڭ كەسىرىنەن 26 ادام قازا تاۋىپ, 60-تان استام ادام جاراقات العان ەدى.