استانا اكىمى تاۋەلسىزدىك داڭعىلى بويىنداعى ەسىل وزەنى ارقىلى وتەتىن كوپىردىڭ قۇرىلىسىمەن تانىستى, دەپ حابارلايدى Egemen.kz.
اكىمنىڭ ايتۋىنشا, بۇل كوپىر جولدارداعى كولىك قوزعالىسىن ايتارلىقتاي جەڭىلدەتەدى. سونداي-اق تاۋەلسىزدىك داڭعىلى, جاڭا ۆوكزال اۋدانى, قوشقارباەۆ داڭعىلى, ناجىمەدەنوۆ كوشەسى, ازىرەت سۇلتان مەشىتى, بايتۇرسىنوۆ, قورداي, ايناكول كوشەلەرى اراسىنداعى قوسىمشا قاتىناستى قامتاماسىز ەتەدى.
سونىمەن قاتار كولىك قوزعالىسىن جەڭىلدەتۋ ءۇشىن جاڭا كوشەلەر مەن كوپىرلەر سالۋ قاراستىرىلعان.
جەڭىس قاسىمبەك اۋداندار مەن كوممۋنالدىق قىزمەتتەردىڭ الدىندا ءالى دە قار تازالاۋ جۇمىستارىن جانداندىرۋ مىندەتى تۇرعانىن اتاپ ءوتتى.
«اۋا رايىنىڭ قۇبىلمالىلىعىن, سونىڭ ىشىندە اۋا تەمپەراتۋراسىنىڭ تومەندەۋىن ەسكەرە وتىرىپ, كولىك كوپ جۇرەتىن اۋماقتاردى, الەۋمەتتىك نىساندارعا كىرەتىن جولداردى, تروتۋارلار مەن ايالدامالاردى قاردان تازالاۋعا باسا نازار اۋدارۋ قاجەت», دەپ جازدى اكىم Instagram پاراقشاسىندا.