قر ءىىم اكىمشىلىك پوليتسيا كوميتەتى توراعاسىنىڭ م.ا. قايسار سۇلتانباەۆ بالالار جىلى اياسىندا وتكىزىلگەن ءىس-شارالار تۋرالى اقپارات بەردى, دەپ حابارلايدى Egemen.kz.
«زاڭسىز مازمۇنى بار ينتەرنەت-رەسۋرستاردى انىقتاۋعا باعىتتالعان ءىس-شارالارعا ەرەكشە نازار اۋدارىلدى. بيىل قۇقىققا قارسى باعىتتاعى 4 مىڭنان استام ينتەرنەت-رەسۋرستار انىقتالىپ, بۇعاتتالدى», دەدى قايسار سۇلتانباەۆ وكق بريفينگىندە.
ونىڭ ايتۋىنشا, بالالار جىلىن وتكىزۋ جونىندەگى ۆەدومستۆولىق جوسپار اياسىندا يميدجدىك, اسكەري-پاتريوتتىق جانە پروفيلاكتيكالىق ءىس-شارالار وتكىزىلدى.
سونداي-اق پوليتسيا مەكتەپتەردەگى قاۋىپسىزدىك, زاڭناما, بەيتانىس ادامدارمەن جانە قوعامدىق ورىنداردا ءجۇرىس-تۇرىس ەرەجەلەرى تۋرالى وقىتۋ ساباقتارىن ۇيىمداستىردى.