شىعىس قازاقستان اۋماعىندا 25 جەلتوقساننان بەرى «پيروتەحنيكا» جەدەل-الدىن الۋ ءىس-شاراسى ءوتىپ جاتىر, دەپ حابارلايدى Egemen.kz.
جاڭا جىل قارساڭىنداعى قاۋىپسىزدىكتىڭ الدىن الۋ ءۇشىن ساتىلىمداعى, اينالىمداعى پيروتەحنيكالار تەكسەرىلدى. سونىمەن قاتار ءورت ءسوندىرۋ قىزمەتكەرلەرى قولدانۋداعى قاۋىپسىزدىك شارالارىمەن تانىستىردى. اتالعان رەيدتىك شارا 3 قاڭتارعا دەيىن جالعاسىن تابادى.
وسكەمەن پوليتسيا باسقارماسىنىڭ ازاماتتىق قىزمەتتىك قارۋدى باقىلاۋ بولىمشەسىنىڭ اعا ينسپەكتورى, پوليتسيا مايورى ە.ساعاتوۆتىڭ مالىمەتىنشە, پيروتەحنيكالىق زاتتار ساتىلاتىن دۇكەندەر, بازارلار, جاپپاي ساۋدا قويمالارى 3 قاڭتارعا دەيىن قۇقىق قورعاۋ ورگاندارىنىڭ قاداعالاۋىندا بولادى.