پرەمەر-مينيستر ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا جاڭا الەۋمەتتىك كودەكستىڭ جوباسى ماقۇلداندى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مەملەكەت باسشىسى جاريالاعان اۋقىمدى رەفورمالاردىڭ ماڭىزدى اسپەكتىلەرىنىڭ ءبىرى ازاماتتاردىڭ ءال-اۋقاتى مەن ءومىر ءسۇرۋ ساپاسىن ارتتىرۋعا باعىتتالعان جاڭا الەۋمەتتىك ساياسات ەكەنىن اتاپ ءوتتى. وسىعان بايلانىستى ەڭ ۇزدىك حالىقارالىق تاجىريبەنى ەسكەرە وتىرىپ, مەملەكەتتىك قولداۋدى بەلسەندى تاعايىنداۋ ءۇشىن وتباسىنىڭ تسيفرلىق كارتاسىن ەنگىزۋدى, بالالاردى الەۋمەتتىك قورعاۋ شارالارىن كۇشەيتۋدى, مۇگەدەك ازاماتتار ءۇشىن, اسىرەسە اۋىلدىق جەرلەردە ارنايى الەۋمەتتىك قىزمەتتەردىڭ قولجەتىمدىلىگىن ارتتىرۋدى كوزدەيتىن الەۋمەتتىك كودەكستىڭ جوباسى ازىرلەندى.
بۇدان باسقا, جۇمىس ىستەيتىن ازاماتتاردىڭ الەۋمەتتىك قورعالۋ دەڭگەيىن ارتتىرۋ, جاستار ءۇشىن الەۋمەتتىك ليفتىلەر قۇرۋ, زەينەتاقى جۇيەسىن جەتىلدىرۋ جانە زەينەتاقى تولەمدەرىن ارتتىرۋ, جۇمىسپەن قامتۋ ورتالىقتارىن قايتا فورماتتاۋ جانە تاعى باسقا شارالار ىسكە اسىرىلاتىن بولادى.
پرەمەر-مينيستر الەۋمەتتىك كودەكس قازاقستاندىقتاردىڭ تۋعاننان باستاپ قارتايعانعا دەيىنگى بازالىق الەۋمەتتىك قۇقىقتارىن بەلگىلەيتىن ماڭىزدى قۇجاتتاردىڭ ءبىرى ەكەنىن اتاپ ءوتتى. ونىڭ قابىلدانۋىمەن مەملەكەتتىڭ الەۋمەتتىك ساياساتى ءوتىنىش فورماسىنان پرواكتيۆتى فورماتقا اۋىسادى, بۇل ازاماتتاردىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى.
«تسيفرلىق كارتا شەڭبەرىندە اقپاراتتىق جۇيە ارقىلى الەۋمەتتىك قولداۋ الۋ قاجەتتىلىگى ايقىندالادى. ياعني, ازامات ءتيىستى ورگاندارعا جۇگىنبەي-اق مەملەكەتتىك قولداۋ الا الادى. مەملەكەت بۇل قاجەتتىلىكتى ءوزى انىقتاپ, بارلىق راسىمدەردى اۆتوماتتى تۇردە راسىمدەيدى», دەپ اتاپ ءوتتى ءاليحان سمايىلوۆ.
پرەمەر-مينيستر جەكە الەۋمەتتىك شارالار 2023 جىلدان باستاپ جۇزەگە اسىرىلاتىنىن ايتتى, دەگەنمەن كودەكس ءالى دە پارلامەنتتە بولادى.
«قاڭتار ايىنان باستاپ بالا كۇتىمى بويىنشا تولەمدەر ءبىر جىلدان ءبىر جارىم جاسقا تولعانعا دەيىن ۇزارتىلادى. الەۋمەتتىك ساقتاندىرۋ جۇيەسىنە قاتىسۋشىلار ءۇشىن جۇمىسىنان ايىرىلۋ بويىنشا تولەمدەر ورتاشا ايلىق تابىستىڭ 45%-نا ارتادى. جالپى كودەكستە ۇسىنىلعان شارالار الەۋمەتتىك قورعاۋ جۇيەسىن قايتا ىسكە قوسۋعا جانە وسى سالادا بولىپ جاتقان وزگەرىستەردەن وڭ ناتيجە الۋعا مۇمكىندىك بەرەدى», دەپ اتاپ ءوتتى ءاليحان سمايىلوۆ.