الماتى-استانا تاسجولىندا جانتۇرشىگەرلىك جول اپاتى بولدى. Toyota Land Cruiser Prado جانە Toyota Avensis اۆتوكولىكتەرى بەتپە-بەت سوقتىعىسقان. قوس كولىكتىڭ جۇرگىزۋشىلەرى اپات ورنىندا كوز جۇمدى, دەپ حابارلايدى Egemen.kz.
Prado كولىگى استاناعا قاراي سولتۇستىك باعىتتا جىلجىعان, ال Avensis - الماتىعا قاراي بەت الىپ كەلە جاتقان.
الدىن الا بولجام بويىنشا, Avensis جۇرگىزۋشىسى اۋا رايىنىڭ قولايسىزدىعىنا بايلانىستى كولىك تىزگىنىن باسقارا الماي, وعان قارسى قوزعالىس جولاعىنا شىعىپ كەتكەن. ناتيجەسىندە, ول Prado كولىگىمەن سوقتىعىستى. سوققىدان ەكى كولىك تە جول جيەگىنە شىعىپ كەتكەنى انىقتالدى.
اپات سالدارىنان ەكى جۇرگىزۋشى دە كوز جۇمدى.
قازىر ءتيىستى ساراپتامالار تاعايىندالىپ, تەرگەۋ جۇمىستارى جۇرگىزىلۋدە.