انگارسكىدەگى مۇناي وڭدەۋ زاۋىتىندا بولعان جارىلىس سالدارىنان ءتورت ادام زارداپ شەكتى, دەپ حابارلايدى Egemen.kz.
يركۋتسك وبلىسىنىڭ گۋبەرناتورى يگور كوبزەۆتىڭ ايتۋىنشا, انگارسكىدەگى انحك وندىرىستىك الاڭىنىڭ تەحنولوگيالىق قوندىرعىسىندا ءورت شىققان. ءورت اۋماعى شامامەن 2500 شارشى مەتردى قۇرادى. ءورت اۋىزدىقتالدى. ونى سوندىرۋگە 100-دەن استام ادام مەن 25 تەحنيكا جۇمىلدىرىلدى.
وبلىس اكىمى وقيعانىڭ جەرگىلىكتى ينفراقۇرىلىم جۇمىسىنا اسەر ەتپەگەنىن, سونداي-اق انگارسك تۇرعىندارىنا ءتونىپ تۇرعان قاۋىپ جوعىن ايتتى.
وقيعا سالدارىنان زارداپ شەككەندەردىڭ ءبىرى ورتاشا اۋىرلىقتا اۋرۋحاناعا جاتقىزىلدى. تاعى ءۇش جارالىعا امبۋلاتورلىق كومەك كورسەتىلدى.
الدىن الا بولجام بويىنشا, وقيعاعا رەسەي عىلىم اكادەمياسىنىڭ بايكال گەوفيزيكالىق قىزمەتىنىڭ جابدىعى انىقتاعان سەيسميكالىق بەلسەندىلىك سەبەپ بولۋى مۇمكىن.