جازدا سقو پد-عا الاياقتىق قىلمىسىن جاسادى دەگەن كۇدىكپەن كوكشەتاۋ قالاسىنىڭ تۇرعىنى ۇستالعانى تۋرالى حابارلاما ءتۇستى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
بۇرىن وسىنداي قىلمىستار جاساعانى ءۇشىن سوتتى بولعان 35 جاستاعى ەر ادام تۇزەلمەي, باياعى قىلمىستىق ارەكەتىنە باسقان. ول ادامدارعا استانادا تانىس ادامدارى بارىن العا تارتىپ, ەمتيحان تاپسىرماي-اق اقشالاي سىياقىعا جۇرگىزۋشى كۋالىكتەرىن الۋعا بولاتىنىن ايتقان.
جالپى الاياقتىڭ شىرماۋىنا تايىنشا اۋدانىنىڭ 14 تۇرعىنى, اقجار اۋدانىنان ءبىر تۇرعىن, كوكشەتاۋ قالاسىنان دا ءبىر ادام ىلىككەن. ادامدار الاياققا اقشا اۋدارىپ, وزدەرىنە, جۇبايلارى مەن بالالارىنا دا جۇرگىزۋشى كۋالىگىن الۋ ءۇشىن تاپسىرىس بەرگەن.
سقو پوليتسەيلەرى الاياقتى انىقتاپ, 16 ەپيزود بويىنشا ماتەريالدى سوتقا تاپسىردى. جابىرلەنۋشىلەرگە كەلتىرىلگەن شىعىننىڭ سوماسى 1,5 ميلليون تەڭگەدەن استام. سوت قاسكويدى 3 جىلعا باس بوستاندىعىنان ايىرۋعا ۇكىم شىعاردى.