الماتىدا 26 قاراشاعا قاراعان ءتۇنى ءتورت ەر ادام بىرىگىپ ەكى بالاسى بار ەر ادامدى تاسپەن ۇرعان. العان جاراقاتتارىنان ەر ادام قايتىس بولدى. مارقۇمنىڭ ءۇيى ءبىر اي بۇرىن ورتەنىپ كەتكەن, دەپ حابارلايدى Egemen.kz.
كۋاگەردىڭ ايتۋىنشا, 48 جاستاعى ۆيتالي سترەلنيكوۆ دوسىن شىعارىپ سالۋ ءۇشىن ۇيدەن شىققان. كەيىن ماس كۇيىندە بولعان ءتورت ەر ادامدى كەزدەستىرەدى. ولار ەر ادامدى تاسپەن ۇرعان. كۋاگەر اتاپ وتكەندەي, قىلمىسكەرلەردىڭ جۇمىسى وقيعا ورنىنا جاقىن بولعان. سونداي-اق ءۇش قىلمىسكەر بۇرىن سوتتالعان بولىپ شىقتى.
«بۇل دەرەك قر قىلمىستىق كودەكسىنىڭ 99-بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. كۇدىكتىلەر ۇستالدى», دەدى قالالىق پد ءباسپاسوز قىزمەتى.
پوليتسەيلەردىڭ الدىن الا مالىمەتىنشە, ماس كۇيىندە بولعان ەر ادامدار اراسىندا جانجال شىعىپ, كەيىن توبەلەس بولعان. قىلمىستىڭ وزگە دە ءمان-جايى قوسىمشا تەرگەۋ بارىسىندا انىقتالادى.