بۇگىن ساعات 19:00-دەن باستاپ اباي جانە شىعىس قازاقستان وبلىستارىندا اۋا تەمپەراتۋراسىنىڭ 30 گرادۋستان تومەندەۋى بولجانادى. وسىعان بايلانىستى رەسپۋبليكالىق ماڭىزى بار جولداردا كولىك قوزعالىسى ۋاقىتشا شەكتەلەدى, دەپ حابارلايدى Egemen.kz.
«قازاۆتوجول» ۇك» اق ناقتىلاعانداي, جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا ساعات 19:00-دەن باستاپ اباي جانە شىعىس قازاقستان وبلىستارىنىڭ بارلىق رەسپۋبليكالىق اۆتوجولدارىندا ديزەلدى جانە جولاۋشىلار رەيستىك اۆتوبۋستارىنىڭ قوزعالىسى ۋاقىتشا شەكتەلەدى.
«رەسپۋبليكالىق تراسسالاردىڭ پايدالانۋشىلارىنان مارشرۋتتى الدىن الا قۇرۋدى, الىس جاققا جول جۇرمەۋگە جانە اۋا رايىنىڭ وزگەرۋىن مۇقيات قاداعالاۋدى سۇرايمىز», دەلىنگەن كومپانيا حابارلاماسىندا.