سولتۇستىكقازاقستاندىق پوليتسەيلەر 800 ليترگە جۋىق زاڭسىز الكوگولدى تاركىلەدى, دەپ حابارلايدى Egemen.kz Polisia.kz سايتىنا سىلتەمە جاساپ.
ءتارتىپ ساقشىلارى قۇرامىندا سپيرت بار ءونىمدى زاڭسىز تاراتۋعا قارسى ءىس-قيمىل بويىنشا جۇمىس جۇرگىزۋدە. مىسالى, سولتۇستىك قازاقستان وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى پەتروپاۆل قالاسىنداعى گاراج كووپەراتيۆتەرىنىڭ بىرىنەن كونترافاكت ونىمدەرىنىڭ قويماسىن انىقتادى. 740 ليتر سپيرت پەن 50 ليتر كونياك قۇيىلعان, 158 بەس ليترلىك ىدىس, سونىمەن قاتار اكتسيز ماركاسىنسىز 22 369 قوراپ تەمەكى تاركىلەدى. بۇل ءىرى كولەمگە جاتادى.
– گاراجدىڭ يەسى گاراجىنىڭ قانداي ماقساتتا پايدالانىلاتىنىنا ەش كۇدىكتەنبەستەن جالعا بەرگەنى بەلگىلى بولدى. تەكسەرىس بارىسىندا زاڭسىز تاۋاردىڭ يەسى انىقتالدى. جينالعان ماتەريالدار پروتسەسسۋالدىق شەشىم شىعارۋ ءۇشىن ەكونوميكالىق تەرگەۋ دەپارتامەنتىنە تاپسىرىلدى, – دەيدى سقو پد باستىعىنىڭ ورىنباسارى پوليتسيا پولكوۆنيگى رۋسلان نازاروۆ.
جىل باسىنان سولتۇستىكقازاقستاندىق پوليتسەيلەر 7900 ليتر كونترافاكتىلىك الكوگول تاركىلەدى.